ലക്‌നോ: പ്രണയത്തെ എതിര്‍ത്ത പിതാവിനെ 17 കാരി കൊലപ്പെടുത്തി. അക്രമത്തിനിരയായ സഹോദരന്‍ ആശുപത്രിയില്‍. വില്ലേജ് ഡെവലപ്മെന്‍റ് ഓഫീസറായ 50 കാരനെയാണ് കാമുകന്റെ സഹായത്തോടെ പെണ്‍കുട്ടി കൊലപ്പെടുത്തിയത്. യു പി യിലെ കനൗജ് ജില്ലയിലാണ് സംഭവം.
പെണ്‍കുട്ടിയുടെ പ്രണയം കുടുംബം അറിഞ്ഞതോടെ പിതാവ് കുട്ടിയെ ശകാരിക്കുകയും നിയന്ത്രണങ്ങള്‍ ഏര്‍പ്പെടുത്തുകയും ചെയ്തു. ഇതില്‍ പ്രകോപിതയായ പെണ്‍കുട്ടി കാമുകനോടൊപ്പം കുടുംബത്തെ കൊല്ലാന്‍ തീരുമാനിക്കുകയായിരുന്നു.
തിങ്കളാഴ്ച രാത്രി പെണ്‍കുട്ടി ഭക്ഷണത്തില്‍ വിഷം കലർത്തി കുടുംബാംഗങ്ങള്‍ക്ക് നൽകി, എല്ലാവരും അബോധാവസ്ഥയിലായപ്പോള്‍ കാമുകനെ വിളിച്ചുവരുത്തി ബ്ലേഡ് ഉപയോഗിച്ച് പിതാവിന്‍റെ കഴുത്തറുത്തു. പിന്നീട് ചുറ്റിക കൊണ്ട് സഹോദരനെ ആക്രമിച്ചു.
നിലവിളി കേട്ട് പെണ്‍കുട്ടിയുടെ വീട്ടിലെത്തിയ നാട്ടുകാര്‍ പോലീസിനെ അറിയിക്കുകയായിരുന്നു. ഇരുവരെയും ആശുപത്രിയില്‍ എത്തിച്ചെങ്കിലും പിതാവ് ചൊവ്വാഴ്ചയോടെ മരിച്ചു. സഹോദരന്‍ ആശുപത്രിയിൽ ചികിൽസായിലാണ്, കനൗജ് പോലീസ് അന്വേഷണം നടത്തിവരികയാണ് പെൺ കുട്ടിയും കാമുകനും കുറ്റം സമ്മതിച്ചതായി അറിയുന്നു
