പെട്രോ-ഡോളര്‍ കരാര്‍ അവസാനിപ്പിച്ച് സൗദിഅറേബ്യ

റിയാദ്: അമേരിക്കയുമായി നിലനിന്നിരുന്ന 50 വർഷത്തെ പെട്രോ-ഡോളർ കരാർ ഇനി പുതുക്കേണ്ടെന്ന് സൗദി അറേബ്യ. ഇനി യു.എസ് ഡോളറല്ലാതെ മറ്റു  കറൻസികൾ ഉപയോ​ഗിച്ച് സൗദിക്ക് ഇടപാടുകൾ നടത്താൻ സാധിക്കും. അമേരിക്കയുമായി 50 വർഷത്തേക്ക് ഒപ്പ് വച്ച കരാർ ജൂൺ ഒൻപതിനായിരുന്നു പുതുക്കേണ്ടിയിരുന്നത്. 1974 ജൂൺ എട്ടിനായിരുന്നു ദീര്‍ഘകാലത്തേക്കുള്ള   കരാർ ഒപ്പുവെച്ചിരുന്നത്. ഈ സുപ്രധാന കരാറാണ് സൗദി പുതുക്കേണ്ടതെന്ന് തീരുമാനിച്ചിരിക്കുന്നത്. ഇതോടെ, യു.എസ് ഡോളറിന് പകരം ചൈനീസ് ആർ.എം.ബി, യൂറോ, യെൻ, യുവാൻ തുടങ്ങി വ്യത്യസ്ത കറൻസികൾ ഉപയോ​ഗിച്ച് സൗദിക്ക് എണ്ണയും മറ്റ് സാധനങ്ങളും വിൽക്കാൻ സാധിക്കും. ബിറ്റ്കോയിൻ പോലുള്ള ഡിജിറ്റൽ കറൻസികളുടെ സാധ്യതയും രാജ്യത്തിന് ഉപയോ​ഗപ്പെടുത്താനാകും.