തിരുവനന്തപുരം: ഇത്തിഹാദ് എയർവെയ്സ് തിരുവനന്തപുരത്തുനിന്ന് പുതിയ ഒരു സർവീസ് കൂടി തുടങ്ങുന്നു. തിരുവനന്തപുരം-അബുദാബി വിമാന സർവീസ് ജൂൺ 15ന് ആരംഭിക്കും.
ആഴ്ചയിൽ 5 ദിവസത്തെ സർവീസ് തുടക്കത്തിൽ ഉണ്ടായിരിക്കും. തിരുവനന്തപുരം-അബുദാബി സെക്ടറിൽ ഇതിഹാദിന്റെ രണ്ടാമത്തെ സർവീസ് ആണിത്. രാത്രി 8.10ന് തിരുവനന്തപുരത്ത് എത്തുന്ന വിമാനം (ഇവൈ 262/263) രാത്രി 9.40ന് തിരികെ അബുദാബിയിലേക്ക് പോകും. നിലവിലുള്ള സർവീസിന്റെ സമയത്തിൽ 15 മുതൽ മാറ്റമുണ്ട്. രാവിലെ 3:10നു തിരുവനന്തപുരത്ത് എത്തുന്ന വിമാനം (ഇവൈ 264/265) 4.10നു അബുദാബിയിലേക്ക് പോകും.
പുതിയ സർവീസ് ആരംഭിക്കുന്നതോടെ വിവിധ രാജ്യങ്ങളിലേക്കുള്ള യാത്ര കൂടുതൽ എളുപ്പമാകും .
