മസ്‌ക്കറ്റ്: ഒമാന്‍ തീരത്ത് എണ്ണക്കപ്പല്‍ മറിഞ്ഞു 16 പേരെ കാണാനില്ല. 13 ഇന്ത്യക്കാരും മൂന്ന് ശ്രീലങ്കക്കാരുമാണ് കാണാതായവരിലുള്ളത്. കൊമോറസിന്‍റെ ഉടമസ്ഥതയിലുള്ള പ്രസ്റ്റീജ് ഫാല്‍ക്കണ്‍ എന്ന എണ്ണക്കപ്പലാണ് അപകടത്തിൽ പ്പെട്ടത്. 117 മീറ്ററാണ് കപ്പലിന്‍റെ നീളം.
റാസ് മദ്രാക്ക പ്രദേശത്തിന് തെക്ക് കിഴക്കായി 25 നോട്ടിക്കല്‍ മൈല്‍ (28.7 മൈല്‍) അകലെ തിങ്കളാഴ്ചയാണ് കപ്പല്‍ എണ്ണക്കപ്പല്‍ മറിഞ്ഞത്. അപകടത്തിന്‍റെ കാരണം വ്യക്തമായിട്ടില്ല, മുങ്ങിയ കപ്പലില്‍ നിന്ന് എണ്ണയോ എണ്ണ ഉല്‍പന്നങ്ങളോ കടലിലേക്ക് ഒഴുകുന്നുതായി റിപ്പോർട്ട് ചെയ്യപ്പെട്ടിട്ടില്ല. അപകടം നടന്ന് ഒരു ദിവസം കഴിഞ്ഞാണ് ഒമാന്‍ ഇതുസംബന്ധിച്ച വിവരം പുറത്തുവിടുന്നത്.
സംഭവസ്ഥലത്ത് ഒമാന്‍ മാരിടൈം സെക്യൂരിറ്റി സെന്‍റര്‍ രക്ഷാപ്രവര്‍ത്തനം നടത്തുന്നതായി ഒമാന്‍ സ്‌റ്റേറ്റ് ന്യൂസ് ഏജന്‍സി റിപ്പോര്‍ട്ട് ചെയ്തു
