ന്യൂദൽഹി: ബീഹാറിനു പ്രത്യേക പദവി നൽകില്ലെന്ന് കേന്ദ്രസർക്കാർ. കേന്ദ്ര തീരുമാനം ബിഹാർ മുഖ്യമന്ത്രി നിതീഷ് കുമാറിനും എൻഡിഎ സർക്കാരിന്‍റെ ഭാഗമായ ജെഡിയുവിനും കനത്ത തിരിച്ചയാണ്.
വ്യവസായവൽക്കരണവും സാമ്പത്തിക വളർച്ചയും പ്രോത്സാഹിപ്പിക്കുന്നതിനായി ബിഹാറിനും മറ്റു പിന്നാക്കം നിൽക്കുന്ന സംസ്ഥാനങ്ങൾക്കും പ്രത്യേക പദവി നൽകാൻ കേന്ദ്രസർക്കാരിന് പദ്ധതിയുണ്ടോയെന്ന ബിഹാറിൽ നിന്നുള്ള ജെഡിയു എംപി രാംപ്രിത് മണ്ഡൽ ചോദിച്ചിരുന്നു.
ബിഹാറിന്‍റെ പ്രത്യേക പദവി പരിഗണനയില്ലെന്ന് രേഖാമൂലമുള്ള മറുപടിയിൽ ധനകാര്യ സഹമന്ത്രി പങ്കജ് ചൗധരി പറഞ്ഞു. ഇതിന് പിന്നാലെ നിതീഷ് കുമാറിന്‍റെ രാജി ആവശ്യപ്പെട്ട് ആര്‍ജെഡി ഉള്‍പ്പെടെയുള്ള പ്രതിപക്ഷം രംഗത്തെത്തി.
