അർജുനെത്തേടി; ഇന്നത്തെ തെരച്ചിലും എങ്ങുമെത്താതെ നിർത്തി

ബം​ഗ​ളൂ​രു: നോർത്ത് കന്നഡ ഷി​രൂ​രി​ൽ മ​ണ്ണി​ടി​ഞ്ഞ് കാ​ണാ​താ​യ അ​ർ​ജു​നെ ക​ണ്ടെ​ത്താനുള്ള ഇ​ന്ന​ത്തെ ശ്രമവും എങ്ങുമെത്താതെ നി​ർ​ത്തി. ശ​ക്ത​മാ​യ മ​ഴ​യും അ​ടി​യൊ​ഴു​ക്കും കാ​ര​ണം മുങ്ങൽ വിദഗ്തർക്ക്  പു​ഴ​യി​ൽ ഇ​റ​ങ്ങാ​ൻ ക​ഴി​യാ​ത്ത സാഹചര്യമാ​ണ്.

ഇ​തി​നി​ടെ ലോറിയുടേ​തെ​ന്ന് സം​ശ​യി​ക്ക​പ്പെ​ടു​ന്ന പു​തുതായി ഒരു സി​ഗ്ന​ൽ കൂ​ടി ല​ഭി​ച്ച​താ​യി ദൗ​ത്യ​സം​ഘം അ​റി​യി​ച്ചു. അപകട സ്ഥലത്തുനിന്നും 60 മീ​റ്റ​റി​ലേ​റെ ദൂ​ര​ത്ത് പു​ഴ​യുടെ മധ്യത്തിലുള്ള പാ​റ​ക​ള​ട​ങ്ങി​യ മ​ൺ​കൂ​ന​ക്ക് സ​മീ​പ​മാ​ണ് സി​ഗ്ന​ൽ ല​ഭി​ച്ച​ത്.

ഡ്രോ​ൺ പ​രി​ശോ​ധ​ന​യി​ലാ​ണ് പുതിയ സി​ഗ്ന​ൽ ല​ഭി​ച്ചി​രി​ക്കു​ന്ന​ത്. നേ​ര​ത്തെ പുഴയിൽ നി​ന്നും മൂ​ന്ന് സി​ഗ്ന​ലു​ക​ൾ ല​ഭി​ച്ചി​രു​ന്നു. ലോറിയുടേയും മ​ണ്ണി​ടി​ച്ചി​ലി​ൽ ഒ​ലി​ച്ച് പോ​യ മൊബൈൽ ട​വ​റി​ന്‍റെ​യും സി​ഗ്ന​ലു​ക​ളാ​കാ​മെ​ന്നാ​യിരുന്നു നേ​ര​ത്തെ​യു​ണ്ടാ​യി​രു​ന്ന നി​ഗ​മ​നം.

ര​ക്ഷാ​പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തു​ന്ന​തി​നാ​യി കേരളത്തിൽ നിന്നും  മ​ന്ത്രി​മാ​രാ​യ മ​ന്ത്രി മു​ഹ​മ്മ​ദ് റി​യാ​സും എ.​കെ.​ശ​ശീ​ന്ദ്ര​നും സ്ഥ​ല​ത്തെ​ത്തി അ​ധി​കൃ​ത​രു​മാ​യി ച​ർ​ച്ച ന​ട​ത്തി. ഐ​ബോ​ഡ് സം​ഘം ലോറി യു​ടെ കൃ​ത്യ​മാ​യ ചി​ത്രം ന​ൽ​കി​യെ​ന്നും എ​ന്നാ​ൽ ഇ​തു​വ​രെ മ​നു​ഷ്യ സാ​ന്നി​ധ്യം ക​ണ്ടെ​ത്താ​നാ​യി​ല്ലെ​ന്നും സ​തീ​ഷ് സെ​യി​ൽ എം​എ​ൽ​എ അറിയിച്ചു.

നിലവിലെ സാഹചര്യത്തിൽ നാവികർക്ക് പുഴയിൽ ഇറങ്ങാൻ ബുദ്ധിമുട്ടുണ്ട്. കനത്ത മഴയും അടിയൊഴുക്കും നാവികർ നേരിടുന്ന വെല്ലുവിളിയാണ്. ഗോ​വ​യി​ൽ നി​ന്ന് ഡ്രെ​ഡ്ജ​ർ കൊ​ണ്ടു​വ​രാ​ൻ പ്രയാസമു​ണ്ട്.  ഫ്ലോ​ട്ടിം​ഗ് പൊ​ൻ​ടൂ​ൻ രീ​തി അ​വ​ലം​ബി​ക്കാ​നാണ് ഇപ്പോഴത്തെ ശ്ര​മമെന്ന് അ​ദ്ദേ​ഹം പ​റ​ഞ്ഞു. നാ​വി​ക​ർ​ക്ക് സു​ര​ക്ഷി​ത​മാ​യി പുഴയിൽ ഇ​റ​ങ്ങാ​നാ​ണ് ഫ്ലോ​ട്ടിം​ഗ് പൊ​ൻ​ടൂ​ൺ. ഈ ​പൊ​ൻ​ടൂ​ൻ പാ​ലം വെ​ള്ള​ത്തി​ൽ ഉ​റ​പ്പി​ച്ച് നി​ർ​ത്താ​നുള്ള മാ​ർ​ഗ​ങ്ങ​ൾ ആ​ലോ​ചി​ച്ചു കൊണ്ടിരിക്കുകയാണെന്നും എം എൽ എ അറിയിച്ചു.