പാരീസ്: ഒളിമ്പിക്സിൽ ഇന്ത്യൻ താരം നീരജ് ചോപ്രക്ക് വെള്ളി മെഡൽ. രണ്ടാം ശ്രമത്തിൽ 89.45 മീറ്റർ ജാവലിൻ പായിച്ചാണ് ചോപ്ര ഇന്ത്യക്കായി വെള്ളി എറിഞ്ഞിട്ടത്. പാരീസ് ഒളിമ്പിക്സിൽ ഇന്ത്യയുടെ ആദ്യത്തെ വെള്ളിമെഡൽ കൂടിയാണിത്.
നീരജ് ചോപ്രയുടെ രണ്ടാം ശ്രമത്തിലാണ് നീരജ് 89. 45 മീറ്റർ ദൂരം എറിഞ്ഞത്. ബാക്കിയുള്ള എല്ലാ ശ്രമങ്ങളും ഫൗളായിരുന്നു. പാരീസ് ഒളിമ്പിക്സിൽ ജാവലിൻ ത്രോയിലൂടെ നീരജ് നേടിയത് ഇന്ത്യയുടെ ആദ്യ വെള്ളി മെഡലാണ്. പാരിസ് ഒളിമ്പിക്സിൽ ഇന്ത്യയുടെ അഞ്ചാം മെഡൽ നേട്ടവുമാണിത്.
ഒളിമ്പിക്സ് റെക്കോഡോടെ പാക്ക് താരം അർഷാദ് നദീം ജാവലിൻ ത്രോയിൽ സ്വർണം നേടി. രണ്ടാം ശ്രമത്തിൽ 92.97 മീറ്റർ ദൂരം എറിഞ്ഞാണ് പാക്ക് താരം സ്വർണം നേടിയത്. പാരീസ് ഒളിമ്പിക്സിൽ പാകിസ്ഥാന്റെ ആദ്യ സ്വർണം കൂടിയാണിത്.
2020 ടോക്കിയോ ഒളിന്പിക്സിൽ ജാവലിൻ ത്രോയിൽ 87.58 മീറ്റർ എറിഞ്ഞു നീരജ് സ്വർണം സ്വന്തമാക്കിയിരുന്നു.
