ആലപ്പുഴ: വിദേശത്ത് ജോലി നൽകാമെന്ന് പറഞ്ഞ് തട്ടിപ്പ് നടത്തിയ രണ്ട് പേരെ പോലീസ് അറസ്റ്റ് ചെയ്തു. ആലപ്പുഴ അർത്തുങ്കൽ പടാകുളങ്ങര വീട്ടിൽ ദയാനന്ദ് (23) ചേർത്തല തറയിൽപ്പറമ്പ് വീട്ടിൽ ദിത്യ (20) എന്നിവരെയാണ് ഞാറക്കൽ പോലീസ് അറസ്റ്റ് ചെയ്തത്.
വിദേശ റിക്രൂട്മെൻറ് ലൈസൻസും ജോബ് കൻസൾട്ടൻസിയും ഉണ്ടെന്ന് പറഞ്ഞായിരുന്നു ഇവർ പരാതിക്കാരിയിൽ നിന്നും പണം തട്ടിയത്. ഭർത്താവിന് വിദേശത്ത് ജോലി ലഭിക്കുന്നതിന് വേണ്ടിയിട്ടാണ് പരാതിക്കാരി പ്രതികളെ സമീപിക്കുന്നത്. ജോലി നൽകാമെന്ന് പറഞ്ഞ് വിശ്വസിപ്പിച്ച് 280,000 രൂപ പല തവണകളായി പരാതിക്കാരിയിൽ നിന്നും തട്ടിയെടുത്തിരുന്നു.
പ്രതികൾ സമാനമായ തട്ടിപ്പുകൾ നടത്തിയിട്ടുണ്ടോ എന്ന അന്വേഷണത്തിലാണ് പോലീസ്
