മലപ്പുറം: ചെന്നൈയിൽ കുളത്തിൽ വീണ് കാണാതായ മലയാളി വിദ്യാർഥിയുടെ മൃതദേഹം കണ്ടെത്തി. ചൊവ്വാഴ്ച്ച കാഞ്ചിപുരത്തായിരുന്നു അപകടം നടന്നത്. നിലമ്പൂർ സ്വദേശി മുഹമ്മദ് അഷ്‌മിലിന്‍റെ (20) മൃതദേഹമാണ് കണ്ടെത്തിയത്.
മുഹമ്മദ് അഷ്‌മിലിന്‍ ഉൾപ്പടെ പത്തുപേരാണ് ക്വാറിയോട് ചേർന്നുള്ള കുളത്തിൽ കുളിക്കാനിറങ്ങിയത്. ഇതിനിടെയായിരുന്നു അപകടം. ചൊവ്വാഴ്‌ച രാത്രി എട്ടര വരെ തെരച്ചിൽ നടത്തിയെങ്കിലും അഷ്‌മിലിനെ കണ്ടെത്താനായിരുന്നില്ല.
ബുധനാഴ്‌ച നടത്തിയ തെരച്ചിലിലാണ് മൃതദേഹം കണ്ടെത്തിയത്, മൃതദേഹം പോസ്റ്റ് മോർട്ടത്തിന് ശേഷം ബന്ധുക്കൾക്ക് വിട്ടു നൽകും. ചെന്നൈയിലെ ഒരു സ്വകാര്യ കമ്പനിയിൽ ഇന്റേൺഷിപ്പിന് എത്തിയതായിരുന്നു മുഹമ്മദ് അഷ്‌മിലിന്‍.
