കൊച്ചി: ഭൂട്ടാൻ വാഹനക്കടത്തുമായി ബന്ധപ്പെട്ട് നടൻ ദുൽഖർ സൽമാൻറെയും മമ്മുട്ടിയുടെയും വീടകളുൾപ്പടെ 17 ഇടങ്ങളിൽ എൻഫോയ്ഴ്സ്മെന്റ് ഡയറക്ടറേറ്റ് റെയ്‌ഡ്‌. ദുൽഖറിന്റെ മൂന്ന് വീടുകളിലും മാമൂട്ടിയുടെ കടവന്ത്രയിലെ വീട്ടിലും പൃഥ്വിരാജ്, അമിത് ചക്കാലക്കൽ എന്നിവരുടെ വീടുകളിലും ഉദ്യോഗസ്‌ഥർ എത്തി.
ഇഡി കൊച്ചി യൂണിറ്റിലെ ഉദ്യോഗസ്ഥരാണ് പ്രഥമികാന്വേഷണത്തിന്റെ ഭാഗമായി പരിശോധന നടത്തുന്നത്. അഞ്ച് ജില്ലകളിലായി വാഹന ഡീലർമാരുടെ വീടുകളിലും പരിശോധന നടക്കുന്നുണ്ട്. ഫെമ നിയമലംഘനവുമായാണ് പരിശോധന എന്ന് ഇഡി അറിയിച്ചു.
ഭൂട്ടാൻ വാഹനക്കടത്തുമായി ബന്ധപ്പെട്ട് ഓപ്പറേഷൻ നുംഖോർ എന്ന പേരിൽ കസ്റ്റംസും നേരത്തെ റെയ്‌ഡ്‌ നടത്തിയിരുന്നു.
