തിരുവനന്തപുരം: സംസ്ഥാനത്തെ തദ്ദേശ പൊതു തെരഞ്ഞെടുപ്പിനോടനുബന്ധിച്ച് വോട്ടെടുപ്പ് നടക്കുന്ന ജില്ലകളിൽ പൊതു അവധി പ്രഖ്യാപിച്ചു. കേരളത്തിൽ രണ്ട് ഘട്ടങ്ങളായാണ് വോട്ടെടുപ്പ് നടക്കുന്നത്.
ഡിസംബർ 9: എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളിൽ പൊതു അവധി ആയിരിക്കും. ഡിസംബർ 11: കാസർകോട്, കണ്ണൂർ, വയനാട്, കോഴിക്കോട്, മലപ്പുറം, പാലക്കാട്, തൃശൂർ എന്നീ ജില്ലകളിലാണ് പൊതു അവധി പ്രഖ്യാപിച്ചിട്ടുള്ളത്.
വോട്ടെടുപ്പുള്ള ജില്ലകളിലെ സർക്കാർ ഓഫീസുകൾക്കും പൊതുവിദ്യാഭ്യാസ സ്ഥാപനങ്ങൾക്കും അവധിയായിരിക്കും. കൂടാതെ, ഫാക്ടറികൾ, തോട്ടങ്ങൾ, സ്വകാര്യ സ്ഥാപനങ്ങൾ എന്നിവിടങ്ങളിൽ ജോലി ചെയ്യുന്നവർക്ക് വോട്ട് ചെയ്യുന്നതിനായി അവധിയോ ആവശ്യമായ സൗകര്യങ്ങളോ ഒരുക്കണമെന്നും നിർദേശം നൽകിയിട്ടുണ്ട്.
