ആലപ്പുഴ: ഒന്നാം വിവാഹ വാർഷികം ആഘോഷിക്കാൻ നാട്ടിലെത്തിയ യുവതി കെ.എസ്.ആർ.ടി.സി. ബസ് കയറി ദാരുണമായി മരിച്ചു. അപകടത്തിൽ ഗുരുതരമായി പരുക്കേറ്റ ഭർത്താവിനെ ആശുപത്രിയിൽ പ്രവേശിപ്പിച്ചു. ആലപ്പുഴ എടത്വാ കുന്തിരിക്കൽ കണിച്ചേരിൽചിറ സ്വദേശിനി മെറീന (24) ആണ് മരിച്ചത്. അമ്പലപ്പുഴ – തിരുവല്ല സംസ്ഥാന പാതയിൽ രാത്രി 8:30 ഓടെയാണ് അപകടമുണ്ടായത്.
മെറീനയും ഭർത്താവ് ഷാനോ കെ. ശാന്തനും സഞ്ചരിച്ചിരുന്ന ഇരുചക്രവാഹനം കെ.എസ്.ആർ.ടി.സി. ബസുമായി കൂട്ടിയിടിച്ചാണ് അപകടം സംഭവിച്ചത്. എറണാകുളത്ത് ജോലി ചെയ്തിരുന്ന മെറീന വിവാഹ വാർഷികത്തിനായി നാട്ടിലെത്തിയതായിരുന്നു. ഗുരുതരമായി പരുക്കേറ്റ ഭർത്താവ് ഷാനോയെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
