റിയാദ്: റിയാദിലെ മുക്കം നിവാസികളുടെ കൂട്ടയ്മമായ ‘മുക്കം ഏരിയ സർവീസ് സൊസൈറ്റി (മാസ് റിയാദ്) പുതിയ ഭാരവാഹികളെ തെരെഞ്ഞെടുത്തു. റിയാദ് സുലൈ ഇസ്തിറാഹയിൽ ചേർന്ന ജനറൽ ബോഡി യോഗത്തിലാണ് പുതിയ ഭാരവാഹകളെ കണ്ടെത്തിയത്. കെടി ഉമ്മർ, അഷ്റഫ് മേച്ചേരി, കെസി ഷാജു, സുഹാസ് ചേപ്പാലി തുടങ്ങിയവർ തെരഞ്ഞെടുപ്പ് നിയന്ത്രിച്ചു.
2025-27 വർഷത്തേക്കുള്ള പുതിയ ഭാരവാഹികളായി യതി മുഹമ്മദലിയെ പ്രസിഡന്റായും മുസ്തഫ നെല്ലിക്കാപറമ്പിവെ ജനറൽ സെക്രട്ടറിയായും എകെ ഫസലിനെ ട്രഷററായും തെരെഞ്ഞെടുത്തു. കെ.ടി. ഉമർ (രക്ഷാധികാരി), കെ.സി. ഷാജു, അഷ്റഫ് മേച്ചേരി (ഉപദേശക സമിതി), കെ.പി. ജബ്ബാർ (വൈ. പ്രസി.), അഫീഫ് കക്കാട് (ജോ. സെക്രട്ടറി), അബ്ദുൽ സലാം പേക്കാടൻ (ജോ. ട്രഷറർ) എന്നിവരാണ് മറ്റു ഭാരവാഹികൾ. വിവിധ കൺവീനർമാർ: ഫൈസൽ കക്കാട് (ജീവകാരുണ്യം), സി.കെ. സാദിഖ് (സാംസ്കാരികം), പി.പി. യൂസഫ് (പലിശരഹിതം), ഇസ്ഹാഖ് മാളിയേക്കൽ (സ്പോർട്സ്), മുഹമ്മദ് കൊല്ലളത്തിൽ (വരിസംഖ്യ കോഓഡിനേറ്റർ), സത്താർ കാവിൽ (മീറ്റിങ് കോഓഡിനേറ്റർ), എൻ.കെ. ഷമീം, ഷമിൽ കക്കാട് (ഐ.ടി വിങ്), ഹാറൂൺ കാരക്കുറ്റി, അലി പേക്കാടൻ, അബ്ദുൽ നാസർ (സപ്പോർട്ടിങ് കൺവീനമാർ). കൂടാതെ 32 അംഗ എക്സിക്യൂട്ടിവ് കമ്മിറ്റിയും നിലവിൽവന്നു.
യോഗത്തിൽ ഭാവിപരിപാടികൾ ചർച്ച ചെയ്‌തു. 25ാമത് വാർഷികാഘോഷം അതി വിപുലമായി നടത്താനും എസ്എസ്എൽസി, പ്ലസ് ടു പരീക്ഷകളിൽ വിജയികളായ മാസ് റിയാദ് കുടുംബത്തിലെ മുഴുവൻ കുട്ടികളെയും ആദരിക്കാനും തീരുമാനിച്ചു.
