തിരുവനന്തപുരം: സിബിഎസ്ഇ പ്പത്താം ക്ലാസ് പ്ലസ് ടു ക്ലാസുകളിലെ പരീക്ഷാ ഫലം പ്രഖ്യാപിച്ചു. പ്ലസ് ടു ക്ലാസിൽ 87.98% വിജയം. വിജയശതമാനത്തിൽ 0.65% വർദ്ധനവ് ഉണ്ട്. കഴിഞ്ഞവർഷം 87.33 ആയിരുന്നു വിജയശതമാനം.
തിരുവനന്തപുരം മേഖലയാണ് 99.91% വിജയത്തോടെ മുന്നിൽ. 99.04% വിജയത്തോടെ വിജയവാഡ രണ്ടാം സ്ഥാനത്താണ്.
ചെന്നൈ മേഖലയിൽ 98.47%, ബെംഗളൂരു മേഖലയിൽ 96.95% എന്നിങ്ങനെയാണ് വിജയശതമാനം. ഉത്തർപ്രദേശിലെ പ്രയാഗ്‍രാജ് ആണ് ഏറ്റവും പിന്നിൽ. 78.25 ആണ് ഇവിടുത്തെ വിജയശതമാനം. മികച്ച വിജയമാണ് പെൺകുട്ടികൾ ഇക്കുറി നേടിയത്. 91 ശതമാനത്തിന് മുകളിൽ പെൺകുട്ടികൾ വിജയിച്ചു. cbseresults.nic.in,cbse.gov.in എന്ന സൈറ്റിലും ഡിജിലോക്കറിലും ഫലം അറിയാം.
