ഹേമന്ത് സോറൻ ജാർഖണ്ഡ് മുഖ്യമന്ത്രിയായി സത്യപ്രതിജ്ഞ ചെയ്തു

റാഞ്ചി: ജാർഖണ്ഡിന്‍റെ 13 മത് മുഖ്യമന്ത്രിയായി ഹേമന്ത് സോറൻ  സത്യപ്രതിജ്ഞ ചെയ്തു അധികാരമേറ്റു. ഗവർണർ സി.പി. രാധാകൃഷ്ണൻ സത്യവാചകം ചൊല്ലിക്കൊടുത്തു.

സ​ര്‍​ക്കാ​ര്‍ രൂ​പീ​ക​രി​ക്കാ​നാ​യി നേ​ര​ത്തെ ഹേ​മ​ന്ത് സോ​റ​നെ ഗ​വ​ര്‍​ണ​ര്‍ സി.​പി. രാ​ധാ​കൃ​ഷ്ണ​ന്‍ ക്ഷ​ണി​ച്ചി​രു​ന്നു. കഴിഞ്ഞ ദിവസം നടന്ന ഇ​ന്ത്യാ മു​ന്ന​ണി എം​എ​ൽ​എ​മാ​രു​ടെ യോ​ഗ​ത്തി​ലാണ് ഹേ​മ​ന്ത് സോ​റ​നെ വീ​ണ്ടും മു​ഖ്യ​മ​ന്ത്രി​യാ​ക്കാ​ൻ  തീ​രു​മാ​നി​ച്ചത് .

തു​ട​ർ​ന്ന് മു​ഖ്യ​മ​ന്ത്രി ചം​പൈ സോ​റ​ൻ മുഖ്യമന്ത്രി സ്ഥാ​നം രാ​ജി​വ​ച്ചി​രു​ന്നു. പി​ന്നാ​ലെ സ​ർ​ക്കാ​ർ രൂ​പീ​ക​രി​ക്കാ​ൻ അ​വ​കാ​ശ​വാ​ദ​മു​ന്ന​യി​ച്ച് ജാമ്യത്തിലിറങ്ങിയ ഹേ​മ​ന്ത് സോ​റ​ൻ ഗ​വ​ർ​ണ​റെ ക​ണ്ടി​രു​ന്നു.

കഴിഞ്ഞ ജനുവരിയിൽ ഇ ഡി  അറസ്റ്റ് ചെയ്ത ഹേമന്ത് സോറൻ വെള്ളിയാഴ്ചയാണ് ജാമ്യത്തിൽ പുറത്തിറങ്ങുന്നത്. വ്യാജ രേഖ ചമച്ചു ആദിവാസി ഭൂമി തട്ടിയെടുത്തുവെന്നും ഖനന വകുപ്പിന്റെ ചുമതല ദുരുപയോഗം ചെയ്തു റാഞ്ചിയിൽ 8.86 ഏക്കർ ഖനിയുടെ പാട്ട കരാർ നേടിയതടക്കം മൂന്നു കേസുകളാണ് ഇ ഡി സോറനെതിരെ ചുമത്തിയത്