യുവാവിനെ തട്ടികൊണ്ടുപോയ സംഭവം; രണ്ടുപേർ കസ്റ്റഡിയിൽ

കോ​ഴി​ക്കോ​ട്: താ​മ​ര​ശേ​രി​യി​ലെ മൊ​ബൈ​ൽ ഷോ​പ്പ് ഉ​ട​മ​ ഹ​ർ​ഷാ​ദി​നെ ത​ട്ടി​ക്കൊ​ണ്ടു പോ​യ സം​ഭ​വ​ത്തി​ൽ ര​ണ്ടു പേ​ർ പോലീസ് ക​സ്റ്റ​ഡി​യി​ൽ. തട്ടി കൊണ്ടുപോവാൻ ഉപയോഗിച്ചെന്നു കരുതുന്ന കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ടെ​ന്നാ​ണ് വി​വ​രം. അ​ടി​വാ​ര​ത്ത് നിന്നും കാറിൽ ത​ട്ടി​ക്കൊ​ണ്ടു​പോ​യ ഹ​ർ​ഷാ​ദി​നെ വ​യ​നാ​ട് വൈ​ത്തി​രി​യി​ൽ നി​ന്നു​മാ​ണ് ക​ണ്ടെ​ത്തി​യ​ത്. ത​ട്ടി​ക്കൊ​ണ്ടു​പോ​യ സം​ഘം ഹ​ർ​ഷാ​ദി​നെ വൈ​ത്തി​രി​യി​ൽ  ഇ​റ​ക്കി വി​ടു​ക​യാ​യി​രു​ന്നു.

വെ​ള്ളി​യാ​ഴ്ച രാ​ത്രി​യാ​ണ് ചെ​റു​പ​റ്റ സ്വ​ദേ​ശി ഹ​ർ​ഷാ​ദി​നെ  കാ​ണാ​താ​വു​ന്ന​ത്. അ​ടി​വാ​ര​ത്തെ ഭാ​ര്യ​വീ​ട്ടി​ലെത്തിയ ഹ​ര്‍​ഷ​ദിന്  രാ​ത്രി 12ഓ​ടെ ഫോൺ കാൾ വരികയും സംസാരിച്ചു  പു​റ​ത്തേ​ക്ക് പോ​വുകയുമായിരുന്നു. ​ശേ​ഷം തി​രി​കെ വ​ന്നി​ല്ല. കോ​ഴി​ക്കോ​ട് മൂ​ഴി​ക്ക​ലി​ല്‍ മൊ​ബൈ​ല്‍ ഷോ​പ്പ് ന​ട​ത്തി​ വരികയായിരുന്നു ഹർഷദ്.

ശ​നി​യാ​ഴ്ച രാ​വി​ലെ​യും രാ​ത്രി​യുമായി പലതവണ  ഭാ​ര്യ ഫോ​ണ്‍ വി​ളി​ച്ച​പ്പോ​ള്‍ മ​ല​പ്പു​റ​ത്താ​ണെ​ന്നും കൂ​ടെ​യു​ള്ള​വ‍​ര്‍ പ​ണം ആ​വ​ശ്യ​പ്പെ​ടു​ന്നു​ണ്ടെ​ന്നു​മാ​യി​രു​ന്നു മ​റു​പ​ടി. തുടർന്നാണ് ഹ​ർ​ഷ​ദി​നെ ത​ട്ടി​കൊ​ണ്ടു പോ​യെ​ന്ന് കാ​ണി​ച്ച് ഭാ​ര്യ ഷ​ഹ​ല താ​മ​ര​ശേ​രി പോ​ലീ​സി​ല്‍ പ​രാ​തി ന​ൽ​കുന്നത്. ​ കാ​രാ​ടി സ്വ​ദേ​ശി​യു​മാ​യി ഹർഷദിന് 10 ല​ക്ഷം രൂ​പ​യു​ടെ സാമ്പത്തിക ഇ​ട​പാ​ടു​ണ്ടാ​യി​രു​ന്നെ​ന്നും ഇ​ത് തി​രി​കെ കി​ട്ടാ​നാ​കാം ത​ട്ടി​കൊ​ണ്ടു പോ​യ​തെ​ന്നുമാണ്  പോ​ലീ​സി​ന്‍റെ നി​ഗ​മ​നം.