ക്രൗൺ പ്രിൻസ് ഒട്ടകോത്സവം ആദ്യഘട്ടം ആ​ഗസ്റ്റ് പത്ത് മുതൽ ത്വാഇഫിൽ

ത്വാ​ഇ​ഫ്​: ക്രൗൺ പ്രിൻസ് ഒട്ടകോത്സവത്തി​ന്റെ ആറാമത് പതിപ്പ് ആ​ഗസ്റ്റ് പത്തിന് ആരംഭിക്കുമെന്ന് സൗദി ഒട്ടക ഫെഡറേഷൻ അറിയിച്ചു. ത്വാഇഫിലെ ഒട്ടകയോട്ട മൈതാനത്ത് വെച്ചാണ് മത്സരങ്ങൾ. 5.6 കോടി റിയാൽ മൂല്യമുള്ള സമ്മാനങ്ങളാണ് വിജയികളെ കാത്തിരിക്കുന്നത്.
ആകെ 610 റൗണ്ട് ഓട്ടമത്സരങ്ങളാണുണ്ടാവുക. ആ​ഗസ്റ്റ് 10 മുതൽ 21 വരെയാണ് പ്രാരംഭ ഘട്ടം. ഈ ഘട്ടത്തിൽ 360 മത്സരങ്ങളുണ്ടാവും. രാവിലെ 200 റൗണ്ട്, വൈകുന്നേരം 160 എന്നിങ്ങനെയാണ് മത്സരങ്ങൾ. അവസാന ഘട്ട മത്സരങ്ങൾ സെപ്റ്റംബർ ഒന്നിന് ആരംഭിക്കും. ഈ ഘട്ടത്തിൽ രാവിലെ 132 റൗണ്ട്, വൈകുന്നേരം 112 റൗണ്ട് എന്നിങ്ങനെ 244 മത്സരങ്ങൾക്ക് മൈതാനം സാക്ഷിയാകും.