റിയാദ്: ഹജ്ജ് തീർഥാടകരുടെ സുഖസൗകര്യങ്ങൾ തടസ്സപ്പെടുത്തുന്ന രീതിയിലുള്ള ഒരു പ്രവർത്തനവും രാജ്യം അനുവദിക്കില്ലെന്നും “പെർമിറ്റ് ഇല്ലാതെ ഹജ്ജ് പാടില്ല” എന്ന കാമ്പയിൻ കൂടുതൽ ശക്തമാക്കുമെന്നും സൗദി മാധ്യമ മന്ത്രി സൽമാൻ അൽ-ദോസരി പറഞ്ഞു.
ഹജ്ജ് ഒരുക്കങ്ങൾ വിശദീകരിക്കുന്നതിനായി തിങ്കളാഴ്ച റിയാദിൽ നടത്തിയ വിപുലമായ സംയുക്ത സർക്കാർ പത്രസമ്മേളനത്തിൽ സംസാരിക്കവെയാണ് അദ്ദേഹം ഇക്കാര്യം പറഞ്ഞത്. ലോകത്തിന്റെ എല്ലാ കോണുകളിൽ നിന്നും വിശുദ്ധ ഹജ്ജ് കർമ്മത്തിന് തീർത്ഥാടകർ ഒഴുകിയെത്തിക്കൊണ്ടിരിക്കുന്ന സമയമാണിത്. ഹജ്ജ് സമയം അടുത്ത് കൊണ്ടിരിക്കുന്ന സമയത്ത് കൂടിയാണ് ഈ സമ്മേളനം സംഘടിപ്പിച്ചിട്ടുള്ളത് ഹജ്ജ്, ഉംറ മന്ത്രി ഡോ. തൗഫീഖ് അൽ-റബിയ, ഗതാഗത, ലോജിസ്റ്റിക്സ് മന്ത്രി എഞ്ചിനീയർ സാലിഹ് അൽ-ജാസർ, ആരോഗ്യ മന്ത്രി ഫഹദ് അൽ-ജലാജൽ എന്നിവരും സന്നഹിതരായിരുന്നു.
കൂടുതൽ തീർഥാടകർക്ക് ആതിഥേയത്വം വഹിക്കുന്നതിനും രണ്ട് വിശുദ്ധ ഹറമുകളിലേക്ക് വരുന്നവർക്ക് മെച്ചപ്പെട്ട സൗകര്യമൊരുക്കൽ, ഹജ്ജ്, ഉംറ തീർഥാടകർക്ക് ഉയർന്ന നിലവാരമുള്ള സേവനങ്ങൾ നൽകൽ, തീർഥാടകരുടെ മതപരവും സാംസ്കാരികവുമായ അനുഭവം സമ്പന്നമാക്കൽ തുടങ്ങി അല്ലാഹുവിന്റെ അതിഥികളെ സേവിക്കുന്നതിനുള്ള മൂന്ന് ലക്ഷ്യങ്ങളെ അടിസ്ഥാനമാക്കിയുള്ളതാണ് സൗദി വിഷൻ 2030. എന്ന് അൽ-ദോസരി പറഞ്ഞു:
“രണ്ട് വിശുദ്ധ പള്ളികളുടെ സൂക്ഷിപ്പുകാരന്റെ അതിഥികൾ” എന്ന പേരിൽ ഇസ്ലാമിക കാര്യ, കോൾ ആൻഡ് ഗൈഡൻസ് മന്ത്രാലയം സംഘടിപ്പിച കാമ്പയിന്റെ കീഴിൽ, പലസ്തീനിലെ രക്തസാക്ഷികളുടെ കുടുംബങ്ങളിൽ നിന്നുള്ള 1,000 തീർത്ഥാടകരെയും 100 രാജ്യങ്ങളിൽ നിന്നുള്ള 1,300 തീർത്ഥാടകരെയും ആതിഥേയത്വം വഹിക്കുന്നതിന് രാജകീയ നിർദ്ദേശങ്ങൾ പുറപ്പെടുവിച്ചിട്ടുണ്ടെന്ന് മന്ത്രി ചൂണ്ടിക്കാട്ടി.
“അനുമതി ഇല്ലാതെ ഹജ്ജ് പാടില്ല” എന്ന കാമ്പെയ്‌നിലൂടെ ആഭ്യന്തര മന്ത്രാലയം സുരക്ഷാ പരിശോധനകൾ ശക്തമാക്കിയിട്ടുണ്ട്. പുണ്യ സ്ഥലങ്ങളുടെ പവിത്രത സംരക്ഷിക്കുന്നതിനും തീർത്ഥാടകരുടെ സുരക്ഷ ഉറപ്പാക്കുന്നതിനും പുറമേ ക്രമീകൃതവും സമാധാനപരവുമായ അന്തരീക്ഷത്തിൽ ആചാരങ്ങൾ നിർവഹിക്കാൻ തീർത്ഥാടകർക്ക് സഹായകമായി.
മക്കയിലും മദീനയിലും ഹജ്ജിലേക്കുള്ള വഴികളിലായി ഏകദേശം 25,000 പള്ളികളും പ്രാർത്ഥനാ സംവിധാനങ്ങളും ഇസ്ലാമിക കാര്യ മന്ത്രാലയം ഒരുക്കിയിട്ടുണ്ടെന്ന് അദ്ദേഹം പറഞ്ഞു. തിരുഗേഹങ്ങളുടെ സേവകൻ 2.5 ദശലക്ഷം വിശുദ്ധ ഖുർആൻ കോപ്പികൾ സമ്മാനമായി നൽകിയിട്ടുണ്ട്. ഇവ കര, കടൽ, വ്യോമ തുറമുഖങ്ങളിൽ വിതരണം ചെയ്യും. ഇലക്ട്രോണിക് ലൈബ്രറിക്കായി ക്യുആർ കോഡുകൾ അടങ്ങിയ ഏകദേശം 1.3 ദശലക്ഷം തിരിച്ചറിയൽ കാർഡുകളും വിതരണം ചെയ്തിട്ടുണ്ട്.
ഹാജിമാർക്ക് സേവനം ചെയ്യുന്നതിന് നാഷണൽ സെന്റർ ഫോർ നോൺ-പ്രോഫിറ്റ് സെക്ടർ ഡെവലപ്‌മെന്റിന്റെ ശ്രമങ്ങളിലൂടെ ഈ വർഷം 25,000 പുരുഷ-വനിതാ വളണ്ടിയർമാരെയാണ് സജ്ജീകരിക്കുന്നതെന്ന് മന്ത്രി പറഞ്ഞു. ഹജ്ജ് സീസണിൽ കുടിവെള്ളത്തിൻറെ വർധിച്ച ആവശ്യം നിറവേറ്റുന്നതിനായി പ്രതിദിനം 1.2 ദശലക്ഷം ക്യുബിക് മീറ്ററിലധികം വെള്ളം ഉത്പാദിപ്പിക്കുകയും വിതരണം ചെയ്യുകയും ചെയ്യുന്നുണ്ട്.
1,300 കിലോമീറ്ററിലധികം വ്യാപിച്ചുകിടക്കുന്ന റോഡുകളിൽ ജലത്തിന്റെ ഗുണനിലവാരവും സുരക്ഷയും ഉറപ്പാക്കുന്നതിനായി ജല സംവിധാനങ്ങളും പ്രതിദിനം 4,000-ത്തിലധികം ലബോറട്ടറി പരിശോധനകൾ നടത്തുന്നു, 2,000-ത്തിലധികം സ്പെഷ്യലൈസ്ഡ് ടെക്നീഷ്യന്മാരും എഞ്ചിനീയർമാരും അടങ്ങുന്ന ഒരു സംഘം 24 മണിക്കൂറും പ്രവർത്തിക്കുന്നു.
മക്കയിലെയും മദീനയിലെയും മാർക്കറ്റുകളിലും സുപ്രധാന സൗകര്യങ്ങളിലും വാണിജ്യ മന്ത്രാലയം 11,000-ത്തിലധികം തവണ ഫീൽഡ് സന്ദർശനങ്ങൾ പൂർത്തിയാക്കി തീർഥാടകർക്കുള്ള സൗകര്യങ്ങളും ഭക്ഷണസാധനങ്ങളുടെ ലഭ്യതയും ഉറപ്പാക്കിയിട്ടുണ്ടെന്ന് അൽ-ദോസരി പറഞ്ഞു.
