തിരുവനന്തപുരം – മക്കളുടെ കൺമുന്നിൽവെച്ച് 3 രക്ഷതിതാക്കൾ മുങ്ങിമരിച്ചു.
വീടിനടുത്ത് ചളിയെടുത്ത നിലത്തിൽ കുളിക്കാനിറങ്ങിയ ദമ്പതികളും ബന്ധുവായ യുവതിയുമാണ് മരിച്ചത്. തിരുവനന്തപുരം കായംകുളം താമരക്കുളം സ്വദേശിയും കൊല്ലം പള്ളിത്തോട്ടം ഡിപ്പോപുരയിടത്തിൽ അർഷാദിന്റെ ഭാര്യ ഷജീന (30), പോത്തൻകോട് സ്വദേശികളും പാകിസ്താൻമുക്ക് തൈക്കാവിന് സമീപം വാടകയ്ക്ക് താമസിക്കുന്നവരുമായ സബീർ (40), ഭാര്യ സുമയ്യ (35) എന്നിവരാണ് മരിച്ചത്. ദമ്പതികൾ മുങ്ങിമരിച്ചത് യുവതിയെ രക്ഷിക്കാൻ ശ്രമിക്കുന്നതിനിടെയാണ്.
നെടുമ്പന പഞ്ചായത്തിൽപെട്ട മുട്ടക്കാവ് പാകിസ്താൻ മുക്ക് മുളവറക്കുന്ന് കാഞ്ഞിരവയലിൽ ഇന്നലെ വൈകീട്ട് 6.30നാണ് നാടിനെ നടുക്കിയ സംഭവം നടന്നത്.
കായംകുളത്തു നിന്ന് ഒരാഴ്ച മുമ്പാണ് ഇവർ ഇവിടെ താമസമാക്കിനെത്തിയത്. അൽഅമീൻ, അൽസീന എന്നിവർ സജീനയുടെ മക്കളാണ്. കബീറിനും സുമയ്യയ്ക്കും ആറും അഞ്ചും വയസ്സുള്ള രണ്ടു കുട്ടികളുമുണ്ട്.
