ടെഹ്‌റാൻ : ഇസ്രായേൽ മൊസാദ് ഇന്റലിജൻസ് സർവീസ് ഇറാനിൽ നുഴഞ്ഞു കയറിയതിനെ കുറിച്ചുള്ള ആശങ്കകൾ ഇസ്ലാമിക് റിപ്പബ്ലിക്കിൽ വർദ്ധിക്കുന്നതിനിടെ, ചാരവൃത്തി ആരോപിച്ച് ഇറാൻ ഡസൻ കണക്കിന് ആളുകളെ അറസ്റ്റ് ചെയ്തു.
വെള്ളിയാഴ്ച ഇസ്രായേലി ആക്രമണങ്ങൾ ആരംഭിച്ചതിനുശേഷം, ഇസ്രായേലിനുവേണ്ടി ചാരവൃത്തി നടത്തിയെന്ന് ആരോപിച്ചു തലസ്ഥാനത്ത് 28 പേരെ അറസ്റ്റ് ചെയ്തിട്ടുണ്ട്, അതേസമയം രണ്ട് വർഷം മുമ്പ് ചാരവൃത്തിക്ക് അറസ്റ്റിലായ ഒരാളെ കഴിഞ്ഞ ദിവസം ഭരണ കൂടം തൂക്കിലേറ്റി.
“സയണിസ്റ്റ് ഭരണകൂടത്തെ പിന്തുണക്കുന്ന” ലേഖനങ്ങൾ ഓൺലൈനിൽ പങ്കിട്ടതിന് “സമൂഹത്തിന്റെ മാനസിക സുരക്ഷ” തകർക്കുന്നുവെന്ന് ആരോപിച്ച് ഇറാനിയൻ ഭരണകൂടം രാജ്യത്തുടനീളം നിരവധി ആളുകളെ അറസ്റ്റ് ചെയ്തിട്ടുണ്ട്. ഇസ്രായേൽ ഒരു ആണവ കേന്ദ്രം ലക്ഷ്യമിട്ടതായി അവകാശപ്പെടുന്ന ഇസ്ഫഹാനിൽ 60 പേരെയാണ് ഇറാൻ ഭരണകൂടം അറസ്റ്റ് ചെയ്‌തത്‌.
ഇസ്രായേലിന്റെ ആക്രമണത്തിന് മുമ്പ് മൊസാദ് പ്രവർത്തകർ ഇറാനിലേക്ക് ആയുധങ്ങൾ കടത്തിക്കൊണ്ടുപോയി, രാജ്യത്തിനകത്തു നിന്ന് രാജ്യത്തെ തകർക്കാൻ വേണ്ടി അവ ഉപയോഗിച്ചുവെന്ന വെളിപ്പെടുത്തൽ ടെഹ്‌റാൻ പിന്മാറുന്നതിനിടെയാണ് വ്യാപകമായ അറസ്റ്റ് നടക്കുന്നത്.
ഇറാനിയൻ സംശയങ്ങൾ വർദ്ധിച്ചതോടെ, സംശയാസ്പദമായ പ്രവർത്തനങ്ങൾ റിപ്പോർട്ട് ചെയ്യാൻ രഹസ്യാന്വേഷണ മന്ത്രാലയം പൊതുജനങ്ങളോട് ആവശ്യപ്പെടുകയും സഹകാരികളെ എങ്ങനെ കണ്ടെത്താം എന്നതിനെക്കുറിച്ച് മാർഗ്ഗനിർദ്ദേശങ്ങൾ നൽകുകയും ചെയ്തു.
മന്ത്രാലയത്തിന്റെ ഒരു പ്രസ്താവനയിൽ, മുഖംമൂടികളോ കണ്ണടകളോ ധരിച്ച്, പിക്കപ്പ് ട്രക്കുകൾ ഓടിച്ച്, വലിയ ബാഗുകൾ വഹിച്ചുകൊണ്ട് അല്ലെങ്കിൽ സൈനിക, വ്യാവസായിക, അല്ലെങ്കിൽ റെസിഡൻഷ്യൽ ഏരിയകളിൽ വീഡിയോകൾ പകർത്തുന്ന അപരിചിതർക്കെതിരെ ജനങ്ങൾ ജാഗ്രത പാലിക്കണമെന്ന് ആവശ്യപ്പെടുന്നു.
അതേസമയം, “രാത്രിയിൽ പോലും മുഖംമൂടികൾ, തൊപ്പികൾ, സൺഗ്ലാസുകൾ എന്നിവ ധരിക്കുന്ന” ആളുകളെയും “കൊറിയർ വഴി പതിവായി പാക്കേജ് ഡെലിവറികൾ” സ്വീകരിക്കുന്നവരെയും സംശയാസ്പദമായ ആളുകളായിയി പ്രത്യേകം നിരീക്ഷകണമെന്നും ഇറാന്റെ സുരക്ഷാ സംവിധാനവുമായി അടുത്ത ബന്ധമുള്ള നൂർ ന്യൂസ് പ്രസിദ്ധീകരിച്ച ഒരു പോസ്റ്ററിൽ, പറഞ്ഞു.
“വീടിനുള്ളിൽ നിന്ന് അസാധാരണമായ ശബ്ദങ്ങൾ, ഉദാഹരണത്തിന് നിലവിളി, ലോഹ ഉപകരണങ്ങളുടെ ശബ്ദം, തുടർച്ചയായ ഇടിമുഴക്കം”, “പകൽ പോലും മൂടുശീലകൾ വലിച്ചിട്ട വീടുകൾ” എന്നിവ ശ്രദ്ധയിൽ പെട്ടാൽ റിപ്പോർട്ട് ചെയ്യാൻ പോസ്റ്റർ ആളുകളോട് ആവശ്യപ്പെടുന്നു.സമീപ സമയത്ത് വീട് വാടകക്കെടുത്ത ആളുകളെ കുറിച്ചും പോലിസ് അന്വേഷണം നടത്തിനവരുന്നുണ്ട്. ഇറാനിലെ പത്രപ്രവർത്തകർക്ക് തെരുവിൽ നിന്നും ചിത്രങ്ങൾ എടുക്കുന്നതിന്ന് വിലക്കുണ്ടെന്ന് സിഎൻഎന്നിനോട് പറഞ്ഞു.
ഇസ്രായേൽ നുഴഞ്ഞുകയറ്റത്തെക്കുറിച്ചുള്ള ആശങ്ക ഇസ്ലാമിക് റിപ്പബ്ലിക്കിൽ വർദ്ധിച്ചുവരുന്നതായി റിപ്പോർട്ടുകളുണ്ട്. രാജ്യത്തെ സദാചാര പോലീസിൻറെ കസ്റ്റഡിയിൽ ഒരു യുവതി മരണമടഞ്ഞതിനെ ത്തുടർന്ന് ഉണ്ടായ ഭരണ വിരുദ്ധ പ്രതിഷേധങ്ങൾ സമീപ വർഷങ്ങളിൽ അവരെ രാജ്യത്ത് വലിയ പ്രതിഷേധങ്ങൾ ഉണ്ടാക്കിയിരുന്നു. .
അന്നത്തെ പ്രതിഷേധങ്ങളെ അടിച്ചമർത്താൻ ഉപയോഗിച്ച അതേ സേനയെ, ഇസ്രായേലി നുഴഞ്ഞുകയറ്റത്തെത്തുടർന്ന് “നിരീക്ഷണം” വർദ്ധിപ്പിക്കുന്നതിനായി ഉപയോഗിച്ചിരുന്ന ബാസിജ് (ഇറാന്റെ റെവല്യൂഷണറി ഗാർഡിന്റെ ഒരു അർദ്ധസൈനിക വിഭാഗം) നെ രാത്രി പട്രോളിംഗിൽനായി വിന്യസിച്ചിട്ടുണ്ടെന്ന് ഇറാന്റെ സർക്കാർ നിയന്ത്രിത മാധ്യമങ്ങൾ അറിയിച്ചു.
