ജിദ്ദ: ജിദ്ദയിലെ മത, സാമൂഹിക, രാഷ്ട്രീയ, സാംസ്‌കാരിക രംഗത്തെ പ്രമുഖരെയും കെഎംസിസി ഭാരവാഹികളെയും പങ്കെടുപ്പിച്ചു കെഎംസിസി ജിദ്ദ സെൻട്രൽ കമ്മിറ്റി നടത്തിയ മെഗാ ഇഫ്താർ ശ്രദ്ധേയമായി.
സർവ നാശത്തിൻറെയും വിഷ വിത്തായ ലഹരി പള്ളിക്കൂടങ്ങളിൽ പോലും വിപണനം നടത്തി കൊണ്ടിരിക്കുകയാണ്. മാരക വിപത്തിൽ നിന്നും നാടിനെയും കുടുംബത്തെയും രക്ഷിക്കാനും സർക്കാരിൻറെയും പോസിന്റെയും നിസ്സംഗത തുറന്ന് കാണിക്കാനും ‘നാശം വിതക്കുന്ന വിഷമാണ് ലഹരി’ എന്ന ശീർഷകത്തിൽ ജിദ്ദ കെ.എം.സി.സി നടത്തുന്ന കാമ്പയിൻ പാണക്കാട് ബഷീറലി ശിഹാബ് തങ്ങൾ ചടങ്ങിൽ ഉദ്ഘാടനം ചെയ്തു. കെ.എം.സി.സി ജിദ്ദ പ്രസിഡന്റ് അബൂബക്കർ അരിമ്പ്ര ലഹരി വിരുദ്ധ സത്യ പ്രതിജ്ഞ ചൊല്ലിക്കൊടുത്തു.
യുഎൻ സുസ്ഥിര വികസന ലക്ഷ്യങ്ങൾ അടിസ്‌ഥാനമാക്കി പരിശീലിപ്പിക്കുന്ന യൂത്ത് അംബാസഡർ പ്രോഗ്രാമിലേക്ക് തെരെഞ്ഞെടുക്കപ്പെട്ട ഫെല്ലാ മെഹകിന് കെ.എം.സി.സി ഉപഹാരം വേൾഡ് കെ.എം.സി.സി പ്രസിഡന്റ് കെ.പി. മുഹമ്മദ് കുട്ടി കൈമാറി. കുട്ടിഹസ്സൻ ദാരിമി പ്രാർത്ഥന നടത്തി. റഫീഖ് ഫൈസി മഗ്‌രിബ് നിസ്‌കാരത്തിന് നേതൃത്വം നൽകി.
കെ.എം.സി.സി ഭാരവാഹികൾ, ജില്ല, ഏരിയ, മണ്ഡലം, പഞ്ചായത്ത് നേതാക്കൾ ഇഫ്താർ വിരുന്നിന് നേതൃത്വം നൽകി. അബൂബക്കർ അരിമ്പ്ര അധ്യക്ഷത വഹിച്ചു. കെ.പി മുഹമ്മദ് കുട്ടി, അഹമ്മദ് പാളയാട്ട്, ഉബൈദ് തങ്ങൾ മേലാറ്റൂർ, ഹക്കീം പാറക്കൽ എന്നിവർ ആശംസകൾ നേർന്നു. വി.പി മുസ്തഫ സ്വാഗതവും അബ്ദുറഹ്മാൻ വെള്ളിമാടുക്കുന്ന്‌ നന്ദിയും പറഞ്ഞു. സി.കെ. റസാഖ് മാസ്റ്റർ, എ.കെ ബാവ, ഇസ്ഹാഖ് പൂണ്ടോളി, നാസർ മച്ചിങ്ങൽ, ശിഹാബ് താമരാക്കുളം, ഹസൻ ബത്തേരി, ലത്തീഫ് കളരാന്തിരി, ജലാൽ തേഞ്ഞിപ്പലം, ലത്തീഫ് വെള്ളമുണ്ട, സാബിൽ മമ്പാട്, ഷക്കീർ മണ്ണാർക്കാട്, സുബൈർ വട്ടോളി, ഷൗക്കത്ത് ഒഴുകൂർ, അഷ്‌റഫ്‌ താഴെക്കോട്, സിറാജ് കണ്ണവം, വിവിധ ജില്ല കമ്മിറ്റി ഭാരവാഹികൾ എന്നിവർ പരിപാടിക്ക് നേതൃത്വം നൽകി.
