റ​ഷ്യ​ൻ​സേ​ന​യി​ലെ ഇ​ന്ത്യ​ക്കാ​രെ വി​ട്ട​യ​ക്കു​മെ​ന്ന് വ്ളാ​ഡി​മി​ർ പു​ടി​ൻ

മോ​സ്കോ: റ​ഷ്യ​ൻ സൈ​ന്യ​ത്തി​ൽ നിർബന്ധിത സേവനം ചെയ്യുന്ന എ​ല്ലാ ഇ​ന്ത്യ​ക്കാ​രെ​യും വി​ട്ട​യ​ക്കു​മെ​ന്ന് റ​ഷ്യ​ൻ പ്ര​സി​ഡ​ന്‍റ് വ്ളാ​ഡി​മി​ർ പു​ടി​ൻ. പ്രധാനമന്ത്രിയും പുടിനും തമ്മിൽ  നടന്ന ച​ർ​ച്ച​യി​ലാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മാ​യ​ത്.

ര​ണ്ട് ദി​വ​സ​ത്തെ സ​ന്ദ​ർ​ശ​ന​ത്തി​നാണ് പ്ര​ധാ​ന​മ​ന്ത്രി നരേന്ദ്ര മോദി മോ​സ്‌​കോ​യി​ലെ​ത്തി​യത്. മോദിക്ക് പു​ടി​ൻ നൽകിയ  സ്വ​കാ​ര്യ അ​ത്താ​ഴ​വി​രു​ന്നി​ലാ​യിരുന്നു സൈനികരുടെ വിഷയം  ഉ​ന്ന​യി​ച്ച​ത്. ഇ​ന്ത്യ​ക്കാ​രെ സൈ​ന്യ​ത്തി​ൽ നി​ന്നും വി​ട്ട​യ​ക്കു​ന്ന​തോടൊപ്പം ഇ​വ​രു​ടെ തിരിച്ചു  വ​ര​വ് സു​ഗ​മ​മാ​ക്കു​മെ​ന്നും റ​ഷ്യ അ​റി​യി​ച്ചു.

ഏജന്റുമാരുടെ ചതിയിൽ പെട്ടാണ് നിരവധി ഇന്ത്യക്കാർ ​ഷ്യ​ൻ സേ​ന​യി​ൽ നി​ർ​ബ​ന്ധി​ത സേ​വ​നം ചെ​യ്യു​ന്ന​ത്. ഉ​യ​ർ​ന്ന ശ​മ്പ​ള​മു​ള്ള ജോ​ലി വാഗ്ദാനം നൽകിയാണ് ഏ​ജ​ന്‍റു​മാ​ർ ഇവരെ റ​ഷ്യ​യി​ലേ​ക്ക കൊ​ണ്ടു​ പോ​യത്.

മൂ​ന്നാം ത​വ​ണ​യും പ്ര​ധാ​ന​മ​ന്ത്രി​യാ​യി തെ ​ര​ഞ്ഞെ​ടു​ക്ക​പ്പെ​ട്ട​ മോ​ദി​യെ പു​ടി​ൻ അ​ഭി​ന​ന്ദി​ക്കു​ക​യും ഇ​ന്ത്യ​ൻ സ​മ്പ​ദ്‌​വ്യ​വ​സ്ഥ​യു​ടെ വളർച്ചയെ​ക്കു​റി​ച്ച് ഇരുവരും സം​സാ​രി​ക്കു​ക​യും ചെ​യ്തു​വെ​ന്ന് വൃ​ത്ത​ങ്ങ​ൾ അ​റി​യി​ച്ചു.