ജിസാൻ: സൗദി അറേബ്യയിലെ അസീർ പ്രവിശ്യയിൽ വൻതോതിൽ ലഹരിമരുന്ന് കടത്താൻ ശ്രമിച്ച നാല് എത്യോപ്യൻ പൗരന്മാർ അതിർത്തി രക്ഷാസേനയുടെ പിടിയിലായി. 34 കിലോഗ്രാം ഹാഷിഷ് (കഞ്ചാവ് ഉൽപ്പന്നം) ആണ് ഇവരിൽ നിന്ന് പിടിച്ചെടുത്തത്. അസീർ പ്രവിശ്യയിലെ റബൂവ സെക്ടറിൽ അതിർത്തി സുരക്ഷാ നിയമങ്ങൾ ലംഘിച്ച് ലഹരി വസ്തുക്കൾ രാജ്യത്തേക്ക് കടത്താൻ ശ്രമിക്കുന്നതിനിടെ ബോർഡർ ഗാർഡ് കരസേനാ പട്രോളിംഗ് സംഘമാണ് പ്രതികളെ റഫർ ചെയ്തത്.
അറസ്റ്റിലായ പ്രതികൾക്കെതിരെ ആവശ്യമായ പ്രാഥമിക നിയമനടപടികൾ പൂർത്തിയാക്കിയതായും, പിടിച്ചെടുത്ത ലഹരിമരുന്നും പ്രതികളെയും തുടരന്വേഷണത്തിനായി ബന്ധപ്പെട്ട അധികാരികൾക്ക് കൈമാറിയതായും സുരക്ഷാ ഉദ്യോഗസ്ഥർ അറിയിച്ചു. രാജ്യത്ത് ലഹരിമരുന്ന് കടത്തുമായോ വിതരണവുമായോ ബന്ധപ്പെട്ട വിവരങ്ങൾ ലഭിക്കുന്നവർ ഉടനടി അധികൃതരെ അറിയിക്കണമെന്ന് ബോർഡർ ഗാർഡ് പൊതുജനങ്ങളോട് അഭ്യർത്ഥിച്ചു. വിവരങ്ങൾ നൽകുന്നവരുടെ വ്യക്തിവിവരങ്ങൾ അതീവ രഹസ്യമായി സൂക്ഷിക്കുമെന്നും ഇവർക്ക് നിയമപരമായ മറ്റ് ബാധ്യതകൾ ഉണ്ടാകില്ലെന്നും അധികൃതർ ആവർത്തിച്ചു.
