കോഴിക്കോട് : വിദ്യാഭ്യസ സർട്ടിഫിക്കറ്റുകൾ സാക്ഷ്യപ്പെടുത്തുന്ന ജോലികൾ നോര്ക്ക റൂട്ട്സ് കോഴിക്കോട് മേഖലാ സെന്ററില് ജൂണ് 27 (വ്യാഴാഴ്ച) മുതല് പുനരാരംഭിക്കുമെന്ന് സെന്റര് മാനേജര് അറിയിച്ചു. സേവനങ്ങള്ക്കായി നോര്ക്ക റൂട്ട്സിന്റെ ഔദ്യോഗിക വെബ്സൈറ്റായ www.norkaroots.org ൽ രജിസ്റ്റർ ചെയ്ത ശേഷം അപേക്ഷയുടെ പ്രിന്റ്, പാസ്പോര്ട്ട്, സര്ട്ടിഫിക്കറ്റുകൾ, മാര്ക്ക് ലിസ്റ്റുകൾ എന്നിവയുടെ ഒറീജിനൽ ഹാജരാക്കണം. ആവശ്യാനുനുസരണം കോപ്പികളും കൈവശം കരുതണം.
അപേക്ഷകനു പകരം അപേക്ഷകന്റെ അതേ അഡ്രസ്സിലുള്ള ആളെ നോമിനിയായി നിയോഗിക്കാം. അവരുടെ ഫോട്ടോയുള്ള ഐഡി തെളിവായി ഹാജരാക്കിയാൽ സേവനങ്ങൾ ലഭിക്കും. ക്രഡിറ്റ്, ഡെബിറ്റ് കാര്ഡുകള്/ഇ -പെയ്മെന്റ്, യു.പി.ഐ അധിഷ്ഠിത മൊബൈല് ആപ്പുകള് മുഖേന മാത്രമേ ഫീസ് അടക്കാൻ കഴിയുകയുള്ളൂ.
വിദ്യാഭ്യാസ സര്ട്ടിഫിക്കറ്റുകള് സാക്ഷ്യപ്പെടുത്തുന്നതിന് കേന്ദ്ര-കേരള സര്ക്കാറുകള് അധികാരപ്പെടുത്തിയിട്ടുള്ള സംസ്ഥാനത്തെ ഏക സ്ഥാപനമാണ് നോര്ക്ക റൂട്ട്സ്. വ്യക്തിവിവര സര്ട്ടിഫിക്കറ്റുകളുടെ ഹോം അറ്റസ്റ്റേഷന്, എം.ഇ.എ, അപ്പോസ്റ്റില്, വിവിധ എംബസികളുടെ സാക്ഷ്യപ്പെടുത്തല് എന്നിവ നോര്ക്ക റൂട്ട്സ് വഴി ലഭ്യമാണ്. കൂടുതല് വിവരങ്ങള്ക്ക് 0495-2304882,2304885, +91-7012609608, എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോൾ ഫ്രീ നമ്പറുകളിലോ 18004253939 ഇന്ത്യയിൽ നിന്നും +91 8802012345 വിദേശത്തു നിന്നും (മിസ്ഡ് കോൾ സൗകര്യം) ബന്ധപ്പെടാവുന്നതാണ്.
