ഗസ: മധ്യ ഗാസയിലെ നുസൈറാത്ത് (Nuseirat) അഭയാർത്ഥി ക്യാമ്പിന് നേരെ ഇന്ന് രാവിലെ ഇസ്രായേൽ നടത്തിയ ഡ്രോൺ ആക്രമണത്തിൽ ഒരാൾ കൊല്ലപ്പെട്ടു. അൽ-അഖ്സ രക്തസാക്ഷി ആശുപത്രി (Al-Aqsa Martyrs Hospital) അധികൃതരാണ് ഇക്കാര്യം സ്ഥിരീകരിച്ചത്. കൊല്ലപ്പെട്ടയാളെക്കുറിച്ചുള്ള കൂടുതൽ വിവരങ്ങളോ, ആക്രമണത്തിൽ മറ്റാർക്കെങ്കിലും പരിക്കേറ്റിട്ടുണ്ടോ എന്ന കാര്യമോ ഇതുവരെ ലഭ്യമായിട്ടില്ല.
രണ്ട് ദിവസം മുമ്പ് ഗസ ആരോഗ്യ മന്ത്രാലയം പുറത്തുവിട്ട ഏറ്റവും പുതിയ കണക്കുകൾ പ്രകാരം, 2023 ഒക്ടോബർ 7 മുതൽ ഇസ്രായേൽ തുടരുന്ന വംശഹത്യയിൽ ഇതുവരെ 74,700-ലധികം പേർ കൊല്ലപ്പെടുകയും 1,76,105 പേർക്ക് പരിക്കേൽക്കുകയും ചെയ്തിട്ടുണ്ട്.
ഒക്ടോബർ 11-ന് വെടിനിർത്തൽ നിലവിൽ വന്നതിന് ശേഷം മാത്രം 1,650 പലസ്തീൻകാർ കൊല്ലപ്പെടുകയും 5,975 പേർക്ക് പരിക്കേൽക്കുകയും ചെയ്തു. ഇതിനുപുറമെ, കെട്ടിടാവശിഷ്ടങ്ങൾക്കിടയിൽ നിന്ന് ഇതുവരെ 850 മൃതദേഹങ്ങൾ കണ്ടെടുത്തിട്ടുണ്ടെന്നും ആരോഗ്യ മന്ത്രാലയം വ്യക്തമാക്കി.



