റിയാദ്: തലശ്ശേരി മണ്ഡലം വെൽഫെയർ അസോസിയേഷൻ റിയാദ് (ടി എം ഡബ്ല്യൂ എ ) വാർഷിക ജനറൽ ബോഡി യോഗം പുതിയ ഭാരവാഹികളെ തെരഞ്ഞെടുത്തു . തൻവീർ ഹാഷിം (പ്രസിഡന്റ്) ഷമീർ തീക്കൂക്കിൽ (സെക്രട്ടറി) മുഹമ്മദ് നജാഫ് (ട്രഷറർ) അഫ്‌താബ്‌ അമ്പിലായിൽ, ഷഫീക് ലോട്ടസ് (വൈസ് പ്രസിഡന്റ്) സാദത്ത് കാത്താണ്ടി, റഫ്ഷാദ് വാഴയിൽ (ജോയിന്റ് സെക്രട്ടറി) എന്നിവരാണ് പുതിയ ഭാരവാഹികൾ. 25 അംഗ ഈ സി മെമ്പർമാരെയും അഞ്ച് അംഗ അഡ്വൈസറി മെമ്പർമാരെയും വെള്ളിയാഴ്ച മലാസിലെ അൽ മാസ് ഓഡിറ്റോറിയത്തിൽ നടന്ന 2025ലെ ജനറൽ ബോഡി യോഗത്തിൽ തെരഞ്ഞെടുത്തു .
ഡാനിഷ് ഷമീറിന്റെ ഖിറാത്തോട് കൂടി തുടങ്ങിയ ജനറൽ ബോഡി യോഗത്തിൽ അൻവർ സാദത്ത് പ്രവർത്തന റിപ്പോർട്ടും ട്രെഷറർ അബ്ദുൽ കാദർ മോച്ചേരി സാമ്പത്തിക റിപ്പോർട്ടും അവതരിപ്പിച്ചു . വിവിധ വകുപ്പുകൾക്ക് വേണ്ടി എഞ്ചിനീയർ മുഹമ്മദ് ഖൈസ് (മെമ്പർഷിപ് & സബ്സ്ക്രിപ്ഷൻ), എഞ്ചിനീയർ മുഹമ്മദ് സറൂഖ് (ലോക്കൽ കോ ഓർഡിനേഷൻ), ഷഫീക് ബുസ്താൻ (വിദ്യാഭ്യാസം), സാദത്ത് കാത്താണ്ടി (ഇവെന്റ്സ്), ഫുആദ് കണ്ണമ്പത്ത് (സ്പോർട്സ്), ഷമീർ തീകൂക്കിൽ (സ്പെഷ്യൽ പ്രൊജക്റ്റ് ) എന്നിവർ അതാതു വകുപ്പുകളുടെ കഴിഞ്ഞ ഒരു വർഷത്തെ പ്രവർത്തനങ്ങൾ അവതരിപ്പിച്ചു .
പുതിയ എക്‌സിക്യൂട്ടീവ് കമ്മിറ്റി തിരഞ്ഞെടുപ്പിന് ഇസ്‌മായിൽ കണ്ണൂർ മേൽനോട്ടം വഹിച്ചു . പ്രസിഡന്റ് അസ്‌കർ വി സി അധ്യക്ഷത വഹിച്ച യോഗത്തിൽ മുഹമ്മദ് നജാഫ് മാസ്റ്റർ ഓഫ് സെറിമണി ആയിരുന്നു
