ദമ്മാം: വിസ്ഡം യൂത്ത് വിംഗ് സംഘടിപ്പിച്ച ഏകദിന യുവജന ക്യാമ്പ് ദമ്മാമിലെ റോയൽ മലബാർ റെസ്റ്റോറന്റിൽ നടന്നു. ക്യാമ്പിന്റെ ഉദ്ഘാടനം അഷ്ഫാഖ് സ്വാഗത ഭാഷണത്തോടെ നിർവഹിച്ചു. പരിപാടിയിൽ അബ്ദുസ്സമദ് അദ്ധ്യക്ഷത വഹിച്ചു.
അബ്ദുറഹ്മാൻ നേതൃത്വം നൽകിയ പരസ്പരപരിചയ സെഷൻ പങ്കെടുത്തവർക്കിടയിൽ സൗഹൃദവും സംഘബോധവും വളർത്തുന്നതിന് സഹായകമായി. ക്യാമ്പിന്റെ ലക്ഷ്യങ്ങളും പ്രവർത്തനങ്ങളും വിശദീകരിച്ചുകൊണ്ട് മൂസ ഖാൻ പ്രെസന്റേഷനോടുകൂടിയ പ്രഭാഷണം നടത്തി.
തുടർന്ന് വിവിധ വിംഗുകളിലായി ഗ്രൂപ്പ് ചർച്ചകളും ഉത്സാഹം വർധിപ്പിക്കുന്ന റിഫ്രഷിങ് ആക്റ്റിവിറ്റികളും ആസാൻ നേതൃത്വം നൽകി. സമാപന സെഷനിൽ ഉസാമ ഫൈസൽ പങ്കെടുത്തവരെ അഭിസംബോധന ചെയ്തു. ജാഫർ കല്ലാടി നന്ദിപ്രസംഗം നടത്തി.
യുവജനങ്ങളുടെ വ്യക്തിത്വവികസനത്തിനും സംഘടനാ പ്രവർത്തനങ്ങളിൽ സജീവ പങ്കാളിത്തത്തിനും ക്യാമ്പ് ഏറെ പ്രയോജനകരമായതായി സംഘാടകർ അറിയിച്ചു.
