ടെഹ്റാൻ: ഇറാനിൽ അമേരിക്കയും ഇസ്രായേലും സംയുക്തമായി നടത്തുന്ന സൈനിക ആക്രമണങ്ങൾ അതിശക്തമായി തുടരുന്നു. യുദ്ധത്തിന്റെ ഭീകരത വെളിപ്പെടുത്തിക്കൊണ്ട്, എട്ടുമാസം മാത്രം പ്രായമുള്ള പിഞ്ചുകുഞ്ഞടക്കം 193 കുട്ടികളാണ് ഇതുവരെ കൊല്ലപ്പെട്ടത്. ജനവാസ മേഖലകളെ ലക്ഷ്യമിട്ടുള്ള വ്യോമാക്രമണങ്ങളാണ് ഇത്രയേറെ കുട്ടിമരണങ്ങൾക്ക് കാരണമായത്. ഇറാനിലെ വിവിധ നഗരങ്ങളിൽ മിസൈൽ, ഡ്രോൺ ആക്രമണങ്ങൾ തുടരുന്നതായാണ് റിപ്പോർട്ടുകൾ സൂചിപ്പിക്കുന്നത്.
ആക്രമണത്തിൽ നിരവധി വീടുകളും സ്കൂളുകളും ആശുപത്രികളും തകർന്നു. കൊല്ലപ്പെട്ട കുട്ടികളിൽ ഭൂരിഭാഗവും തങ്ങളുടെ വീടുകൾക്കുള്ളിൽ വെച്ചാണ് ആക്രമണത്തിന് ഇരയായത്. പരിക്കേറ്റ് ചികിത്സയിൽ കഴിയുന്ന നൂറുകണക്കിന് കുട്ടികളുടെ നില അതീവ ഗുരുതരമായി തുടരുകയാണ്. മരുന്നുകളുടെയും ചികിത്സാ സൗകര്യങ്ങളുടെയും കുറവ് മരണസംഖ്യ ഇനിയും ഉയർത്താൻ സാധ്യതയുണ്ടെന്ന് ആരോഗ്യപ്രവർത്തകർ ആശങ്കപ്പെടുന്നു. രാജ്യാന്തര തലത്തിൽ വലിയ പ്രതിഷേധങ്ങൾ ഉയരുന്നുണ്ടെങ്കിലും ആക്രമണത്തിന്റെ തീവ്രത കുറയ്ക്കാൻ ബന്ധപ്പെട്ട രാജ്യങ്ങൾ തയ്യാറായിട്ടില്ല.
