റിയാദ്: സൗദി അറേബ്യയുടെ തലസ്ഥാനമായ റിയാദിലെ പ്രമുഖ സ്വർണ്ണ നിർമ്മാണ കമ്പനിയായ ലാസുർദി ഗോൾഡ് കമ്പനിയിലെ ജീവനക്കാരൻ രവീന്ദ്ര രാമ ഷിരിയ (64) നിര്യാതനായി. ജോലിസ്ഥലത്ത് വെച്ച് പെട്ടെന്ന് കടുത്ത ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് തൊട്ടടുത്തുള്ള ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. രാമച്ചനിയ പൂജാരി-പരമേശ്വരി ദമ്പതികളുടെ മകനാണ് പരേതനായ രവീന്ദ്ര.
വർഷങ്ങളായി റിയാദിൽ ജോലി ചെയ്തുവരികയായിരുന്ന ഇദ്ദേഹത്തിന്റെ അപ്രതീക്ഷിത വിയോഗത്തിൽ സഹപ്രവർത്തകരും ബന്ധുക്കളും ആഘാതത്തിലാണ്. ഔദ്യോഗിക നിയമനടപടിക്രമങ്ങൾ വേഗത്തിൽ പൂർത്തിയാക്കി മൃതദേഹം എത്രയും പെട്ടെന്ന് നാട്ടിലെത്തിക്കുന്നതിനുള്ള നടപടികൾക്ക് ലാസുർദി ഗോൾഡ് കമ്പനി അധികൃതർ തന്നെ നേരിട്ട് നേതൃത്വം നൽകിവരുന്നുണ്ട്.
