ടെഹ്റാൻ: ഹോർമുസ് കടലിടുക്കിന് കിഴക്ക് ഭാഗത്തുവെച്ച് മറ്റൊരു എണ്ണക്കപ്പലിന് കൂടി കടൽബോംബ് (Sea mine) തട്ടി തീപിടിച്ചതായി ഇറാൻ സൈന്യം അറിയിച്ചു. നാവിഗേഷൻ സംവിധാനം (ഗതിനിർണ്ണയ സംവിധാനം) ഓഫ് ചെയ്ത ശേഷം “അനധികൃത പാതയിലൂടെ” സഞ്ചരിച്ച വാണിജ്യ കപ്പലാണ് സ്ഫോടകവസ്തുവിൽ ഇടിച്ചതെന്നും, ഇതോടെ കപ്പലിന്റെ ചലനശേഷി പൂർണ്ണമായും നഷ്ടപ്പെട്ടതായും സൈന്യം പുറത്തിറക്കിയ പ്രസ്താവനയിൽ വ്യക്തമാക്കി.
അമേരിക്കൻ പ്രസിഡന്റിന്റെ നുണപ്രചാരണങ്ങൾക്കിടയിലും ഹോർമുസ് കടലിടുക്ക് അടച്ചിട്ടിരിക്കുകയാണെന്ന് ഇറാൻ സൈന്യം ആവർത്തിച്ചു. ഇസ്ലാമിക് റിപ്പബ്ലിക് ഓഫ് ഇറാൻ ആവശ്യമാണെന്ന് കരുതുന്ന കാലത്തോളം ഈ ജലപാത അടഞ്ഞുതന്നെ കിടക്കുമെന്നും സൈനിക പ്രസ്താവനയിൽ മുന്നറിയിപ്പ് നൽകുന്നു.hHor



