റിയാദ്: 2024-25 അധ്യായന വർഷത്തെ സിബിഎസ്ഇ പത്താം ക്ലാസ് പരീക്ഷയിൽ ഉന്നത വിജയം നേടിയ വിദ്യാർഥികളെ ആദരിച്ച് അലിഫ് ഇൻ്റർനാഷണൽ സ്‌കൂൾ. ‘വാലഡിക്റ്ററി ഫങ്ഷൻ’ എന്ന ശീർഷകത്തിൽ നടന്ന പ്രതിഭാ സംഗമത്തിൽ വിദ്യാർഥികളും രക്ഷിതാക്കളും ഉൾപ്പെടെ നിരവധി പേർ പങ്കെടുത്തു. സംഗമം പ്രിൻസിപ്പൾ മുഹമ്മദ് മുസ്‌തഫ ഉദ്ഘാടനം ചെയ്‌തു. അലിഫ് ഗ്രൂപ്പ് ഓഫ് സ്‌കൂൾസ് സി ഇ ഒ ലുഖ്‌മാൻ അഹമ്മദ് അധ്യക്ഷനായി.
ആയിഷ അഞ്ചല കെ ടി, സിദ്ധാർത്ഥ് സുനിൽ, ഫർഹ മണിപ്പറമ്പത്ത്, നുഹ ഫാത്തിമ, നഹ് ല ഷാഹുൽ, മുഹമ്മദ് ഫാദിൽ ലുഖ്‌മാൻ എന്നിവരാണ് 24-25 അധ്യയന വർഷത്തെ സ്‌കൂൾ ടോപ്പേഴ്‌സ്‌. പരീക്ഷ എഴുതിയ കുട്ടികളിൽ 68 ശതമാനം വിദ്യാർഥികൾ ഡിസ്റ്റിങ്ഷനും 32 ശതമാനം കുട്ടികൾ ഫസ്റ്റ് ക്ലാസും കരസ്ഥമാക്കി.
വിദ്യാർഥികൾക്ക് മികച്ച വിജയം സമ്മാനിക്കുന്നതിനായി പരിശ്രമിച്ച രക്ഷിതാക്കളെയും അധ്യാപകരെയും സി ഇ ഒ ലുഖ്‌മാൻ അഹമ്മദ് അഭിനന്ദിച്ചു. രക്ഷിതാക്കളും വിദ്യാർഥികളും അധ്യാപകരും കഴിഞ്ഞ വർഷത്തെ അനുഭവങ്ങൾ പങ്കുവെച്ചു. സംഗമത്തിൽ ബോയ്‌സ് സെക്ഷൻ ഹെഡ്മാസ്റ്റർ നൗഷാദ് നാലകത്ത് സ്വാഗതവും ഗേൾസ് സെക്ഷൻ പ്രധാനാധ്യാപിക ഫാത്തിമ ഖൈറുന്നിസ നന്ദിയും പറഞ്ഞു.
