ന്യൂയോർക്ക് : അമേരിക്കയിലെ ടെന്നസിയിൽ വധശിക്ഷയ്ക്ക് വിധിക്കപ്പെട്ട ക്രിസ്റ്റ പൈക്ക് എന്ന വനിതയ്ക്ക് വിഷസൂചി പ്രയോഗിച്ചെങ്കിലും ജീവൻ രക്ഷപെട്ടു. രണ്ട് തവണ മാരകമായ മരുന്ന് കുത്തിവെച്ചിട്ടും പ്രതി മരിക്കാതിരുന്നതിനെത്തുടർന്ന് വധശിക്ഷാ നടപടികൾ നിർത്തിവെക്കുകയും ഉടൻതന്നെ സമീപത്തെ ആശുപത്രിയിലേക്ക് മാറ്റുകയും ചെയ്തു.
1995-ൽ നടന്ന അതിക്രൂരമായ കൊലപാതകക്കേസിലാണ് ക്രിസ്റ്റ പൈക്കിന് കോടതി വധശിക്ഷ വിധിച്ചിരുന്നത്. നോക്‌സ്‌വില്ലെയിലെ ജോബ് കോർപ്സ് പരിശീലന കേന്ദ്രത്തിൽ പഠിക്കുകയായിരുന്ന ക്രിസ്റ്റ പൈക്കിന് അന്ന് 18 വയസ്സായിരുന്നു പ്രായം. സഹപാഠിയായ കോളീൻ സ്ളമ്മർ തന്റെ കാമുകനുമായി അടുപ്പത്തിലാകാൻ ശ്രമിക്കുന്നു എന്ന സംശയവും പ്രണയപ്പകയുമാണ് കൊലപാതകത്തിലേക്ക് നയിച്ചത്.
കാമുകൻ ടാഡാരിൽ ഷിപ്പിന്റെയും മറ്റൊരു സുഹൃത്തിന്റെയും സഹായത്തോടെ കോളീനെ ആളൊഴിഞ്ഞ വനമേഖലയിലേക്ക് വിളിച്ചുവരുത്തുകയായിരുന്നു. തുടർന്ന് മണിക്കൂറുകളോളം ക്രൂരമായി പീഡിപ്പിക്കുകയും മൂർച്ചയുള്ള ആയുധങ്ങൾ ഉപയോഗിച്ച് ആക്രമിക്കുകയും ചെയ്തു.
ആക്രമണത്തിൽ കോളീന്റെ നെഞ്ചിൽ പെന്റഗ്രാം ആകൃതി വരയ്ക്കുകയും തലയോട്ടി തകർക്കുകയും ചെയ്തു. സംഭവസ്ഥലത്തുനിന്ന് കൊല്ലപ്പെട്ട കോളീന്റെ തലയോട്ടിയുടെ ഒരു ഭാഗം ഓർമ്മയ്ക്കായി ക്രിസ്റ്റ പൈക്ക് സൂക്ഷിക്കുകയും അത് മറ്റു സുഹൃത്തുക്കളെ കാണിച്ച് സംസാരിക്കുകയും ചെയ്തിരുന്നു.
കേസിൽ അറസ്റ്റിലായ ക്രിസ്റ്റ പൈക്കിന് 1996-ൽ വധശിക്ഷ വിധിച്ചു. കുറ്റകൃത്യം നടക്കുമ്പോൾ പ്രായപൂർത്തി ആയിരുന്നില്ല എന്ന കാരണം കൊണ്ട് ജീവപര്യന്തം തടവാണ് ലഭിച്ചത്.
എന്നാൽ മുപ്പത് വർഷങ്ങൾക്ക് ശേഷം റിവർബെൻഡ് പ്രിസണിൽ വധശിക്ഷ നടപ്പാക്കാൻ തീരുമാനിച്ച ദിവസം രണ്ട് ഘട്ടങ്ങളിലായി പെന്റോബാർബിറ്റൽ എന്ന മരുന്ന് ശരീരത്തിൽ കുത്തിവെച്ചെങ്കിലും പ്രതി മരണപ്പെടുകയുണ്ടായില്ല. ഇതോടെയാണ് അടിയന്തര വൈദ്യസഹായത്തിനായി ഇവരെ മാറ്റേണ്ടിവന്നത്.
സംഭവം വൻ വിവാദമായതോടെ വിഷസൂചി പ്രയോഗത്തിലുണ്ടായ പാളിച്ചകളെക്കുറിച്ച് അന്വേഷിക്കാൻ ടെന്നസി സംസ്ഥാന ഭരണകൂടം ഉത്തരവിട്ടിട്ടുണ്ട്. ടെന്നസിയിൽ രണ്ടു നൂറ്റാണ്ടിനിടെ ആദ്യമായാണ് ഒരു സ്ത്രീയുടെ വധശിക്ഷ നടപ്പാക്കാൻ ശ്രമിക്കുന്നത്. വധശിക്ഷ നടപ്പാക്കുന്നതിലുണ്ടായ വീഴ്ച അമേരിക്കയിൽ വലിയ നിയമ ചർച്ചകൾക്ക് വഴിതുറന്നിരിക്കുകയാണ്.
