അവയവ കച്ചവടം കണ്ണൂരിൽ രണ്ട് പേർ അറസ്റ്റിൽ

കണ്ണൂർ : ആ​ദി​വാ​സി യുവതിയെ അ​വ​യ​വ ക​ച്ച​വ​ട​ത്തി​ന് പ്രേ​രി​പ്പി​ച്ചെന്ന പ​രാ​തി​യി​ൽ ഭ​ർ​ത്താ​വും മറ്റു ര​ണ്ടു പേ​രും അ​റ​സ്റ്റി​ൽ. ഭ​ർ​ത്താ​വ് അ​നി​ൽ​കു​മാ​ർ, ഇ​ട​നി​ല​ക്കാ​ര​നാ​യി പ്ര​വ​ർ​ത്തി​ച്ച  പെ​രു​ന്തോ​ടി സ്വ​ദേ​ശി ബെ​ന്നി എ​ന്നി​വ​രെയാണ് പോലീസ് അ​റ​സ്റ്റ് ചെയ്തത്.

കണ്ണൂർ നെ​ടും​പൊ​യി​ൽ 24-ാം മൈ​ൽ സ്വ​ദേ​ശി​നി​യാ​യ യു​വ​തിയാണ് പരാതിക്കാരി.  തന്റെ ഭ​ർ​ത്താ​വും ഇ​ട​നി​ല​ക്കാ​ര​നും ചേ​ർ​ന്ന് അ​വ​യ​വ ക​ച്ച​വ​ട​ത്തി​ന് നിർബന്ധിക്കുന്നതായി കാ​ണി​ച്ച് ക​ണ്ണൂ​ർ ഡി​ഐ​ജി ഉ​ൾ​പ്പെ​ടെ​യു​ള്ള​വ​ർ​ക്ക് ന​ൽ​കി​യ പ​രാ​തി​യു​ടെ മുകളിലാണ്  ന​ട​പ​ടി.

ഒ​ന്ന​ര​വ​ർ​ഷ​മാ​യി ഭ​ർ​ത്താ​വ്  നി​ര​ന്ത​രം അ​വ​യ​വ ക​ച്ച​വ​ട​ത്തി​ന് പ്രേ​രി​പ്പി​ക്കു​ക​യും മ​ർ​ദി​ക്കു​ക​യു​മാ​ണെ​ന്നും വൃ​ക്ക​ നല്കിയാൽ ഒ​ൻ​പ​തു​ല​ക്ഷം രൂ​പ ന​ൽ​കാ​മെ​ന്ന് ബെ​ന്നി വാ​ഗ്ദാ​നം ചെ​യ്ത​താ​യും പ​രാ​തി​യി​ൽ പറയുന്നു.

ഭ​ർ​ത്താ​വ് നേ​ര​ത്തെ വൃ​ക്ക ന​ൽ​കി​യിട്ടുണ്ടെന്നും പരാതിയിൽ പ​റ​ഞ്ഞി​രു​ന്നു. കേ​ള​കം പോ​ലീ​സ് അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ൽ ഹാ​ജ​രാ​ക്കി​യ പ്രതികൾക്ക്  കോ​ട​തി ജാ​മ്യം അ​നു​വ​ദി​ച്ചു.