ടെഹ്റാൻ: ആറുമാസമായി തുടരുന്ന യുദ്ധം അവസാനിപ്പിക്കുന്നതിനും തന്ത്രപ്രധാനമായ ഹോർമുസ് കടലിടുക്ക് തുറന്നുകൊടുക്കുന്നതിനുമായി ജൂണിൽ ഒപ്പുവെച്ച ഇടക്കാല കരാറിലെ വാഗ്ദാനങ്ങൾ പാലിക്കാൻ അമേരിക്ക തയ്യാറായാൽ ഇറാനും “ഉടനടി” അനുകൂലമായി പ്രതികരിക്കുമെന്ന് ഇറാൻ പ്രസിഡന്റ് വ്യക്തമാക്കി. തങ്ങളുടെ സുരക്ഷാ ആവശ്യങ്ങളും നിബന്ധനകളും പൂർണ്ണമായി അംഗീകരിച്ച് വാഷിംഗ്ടൺ പ്രായോഗിക നടപടികൾ സ്വീകരിച്ചാൽ സമാധാന ശ്രമങ്ങളോട് സഹകരിക്കാൻ ടെഹ്റാൻ സന്നദ്ധമാണെന്ന സന്ദേശമാണ് ഇതിലൂടെ നൽകുന്നത്.
മേഖലയിൽ മാസങ്ങളായി നിലനിൽക്കുന്ന ഭൗമരാഷ്ട്രീയ തർക്കങ്ങൾക്കും സാമ്പത്തിക ഉപരോധങ്ങൾക്കും പരിഹാരം കാണുന്നതിന് ഇരുരാജ്യങ്ങളും തമ്മിൽ നേരത്തെ എട്ടിയ ധാരണകൾ അമേരിക്ക നടപ്പിലാക്കേണ്ടതുണ്ടെന്ന് അദ്ദേഹം ഓർമ്മിപ്പിച്ചു. വാഷിംഗ്ടണിന്റെ ഭാഗത്തുനിന്നുള്ള അനുകൂലമായ തുടർനടപടികളുടെ അടിസ്ഥാനത്തിലായിരിക്കും ഹോർമുസ് കടലിടുക്കിലൂടെയുള്ള കപ്പൽ ഗതാഗതം പുനഃസ്ഥാപിക്കുന്നതടക്കമുള്ള കാര്യങ്ങളിൽ ഇറാൻ അന്തിമ തീരുമാനമെടുക്കുക.
