പാലക്കാട്: കേരളത്തിൽ പിണറായി വിജയൻ സർക്കാരിനും എൽ.ഡി.എഫിനും സംഭവിച്ച രാഷ്ട്രീയ തിരിച്ചടികൾക്ക് പിന്നിൽ ‘സ്പെഷ്യൽ ഇന്റൻസീവ് റിവിഷൻ’ (എസ്.ഐ.ആർ – S.I.R) വോട്ടർപട്ടിക പരിഷ്കരണത്തിന് പങ്കുണ്ടെന്ന കോക്രോച്ച് ജനത പാർട്ടി (CJP) സ്ഥാപകൻ അഭിജീത് ദിപ്കെയുടെ പ്രസ്താവനയ്ക്കെതിരെ കോൺഗ്രസ് നേതാവ് വി.ടി. ബൽറാം എം.എൽ.എ. ഇത്തരം ‘ഈയാംപാറ്റ’ നേതാക്കൾ അനാവശ്യ അവകാശവാദങ്ങളുമായി രംഗത്തെത്തി വിഷയം ചളമാക്കരുതെന്ന് അദ്ദേഹം ഫേസ്ബുക്ക് കുറിപ്പിലൂടെ മുന്നറിയിപ്പ് നൽകി.
ബംഗളൂരുവിൽ സിവിൽ സൊസൈറ്റി ഗ്രൂപ്പുകളുമായി ചേർന്ന് സംഘടിപ്പിച്ച വോട്ടർപട്ടിക വിരുദ്ധ പ്രക്ഷോഭത്തിൽ സംസാരിക്കവെയാണ് അഭിജീത് ദിപ്കെ കേരളത്തിലെ ഇടതുപക്ഷ തോൽവിയെക്കുറിച്ച് അഭിപ്രായപ്രകടനം നടത്തിയത്. എന്നാൽ, 2021-ന് ശേഷമുള്ള തിരഞ്ഞെടുപ്പുകളിൽ ഭരണവിരുദ്ധ വികാരം കാരണമാണ് ജനങ്ങൾ എൽ.ഡി.എഫിനെ നിഷ്കരുണം തള്ളിക്കളഞ്ഞതെന്ന് ബൽറാം ചൂണ്ടിക്കാട്ടി. മുൻഗണനാ ക്രമത്തിൽ വോട്ടർപട്ടിക തിരുത്തലുകൾ നിരീക്ഷിച്ചതും ക്രമക്കേടുകൾ തടഞ്ഞതും അന്നത്തെ യു.ഡി.എഫ് പ്രതിപക്ഷത്തിന്റെ ജാഗ്രത കൊണ്ടാണെന്നും, ഇതിന്റെ ഫലമാണ് പിന്നീട് മുന്നണിക്ക് തിരഞ്ഞെടുപ്പുകളിൽ ലഭിച്ചതെന്നും അദ്ദേഹം വ്യക്തമാക്കി. രാഹുൽ ഗാന്ധിയുടെ നേതൃത്വത്തിൽ മുഖ്യധാരാ പ്രതിപക്ഷം വോട്ട് തട്ടിപ്പുകൾക്കെതിരെ നടത്തുന്ന യഥാർത്ഥ പോരാട്ടങ്ങളുടെ വീര്യം കെടുത്താനേ ഇത്തരം പ്രസ്താവനകൾ ഉപകരിക്കൂ എന്നും ബൽറാം കൂട്ടിച്ചേർത്തു.
