റിയാദ് : കേളി കലാസാംസ്കാരിക വേദിയുടെ പന്ത്രണ്ടാം കേന്ദ്ര സമ്മേളനത്തിൻ്റെ ഭാഗമായി നടക്കുന്ന റോദ ഏരിയയുടെ 9-ാം ഏരിയ സമ്മേളനത്തിന്റെ വിജയകരമായ നടത്തിപ്പിന് വേണ്ടി സംഘാടക സമിതി രൂപീകരിച്ചു. റോദയിലെ സ്വാദ് ഓഡിറ്റോറിയത്തിൽ നടന്ന സംഘാടകസമിതി രൂപീകരണ യോഗത്തിൽ ഏരിയ കമ്മറ്റി അംഗം സലിം പി പി അധ്യക്ഷത വഹിച്ചു കേളി ട്രഷറർ ജോസഫ് ഷാജി ഉദ്ഘാടനം ചെയ്ത സംഘാടക സമിതി രൂപീകരണ യോഗത്തിൽ, ഏരിയ സെക്രട്ടറി ബിജി തോമസ് സംഘാടക സമിതി പാനൽ അവതരിപ്പിച്ചു.
സലിം പി.പി ചെയർമാൻ, ശ്രീജിത്ത് വൈസ് ചെയർമാൻ, സുരേഷ് ലാൽ കൺവീനർ, മുഹമ്മദ് ഷഫീക്ക് ജോ. കൺവീനർ, ഷാജി കെ.കെ സാമ്പത്തിക കൺവീനർ, ബബിഷ് ഭക്ഷണം, ശശിധരൻ പിള്ള സ്റ്റേജ് ആൻഡ് ഡെക്കറേഷൻ, ശ്രീകുമാർ വാസു പബ്ലിസിറ്റി, ഷാജി കെ.കെ സ്റ്റേഷനറി കമ്മറ്റി, പ്രഭാകരൻ ബേത്തൂർ ഹാൾ ക്രമീകരണം, നിസാർ ഷംസുദ്ദിൻ ഗതാഗത കമ്മിറ്റി എന്നിവരെ സബ് കമ്മറ്റി കൺവീനർമാരായും യോഗം തിരഞ്ഞെടുത്തു.
കേന്ദ്ര കമ്മറ്റി അംഗമായ പ്രദീപ് കൊട്ടാരത്തിൽ, രക്ഷാധികാരി കൺവീനർ സതീഷ് വളവിൽ എന്നിവർ അഭിവാദ്യം ചെയ്തു സംസാരിച്ചു. ഏരിയ ജോയിന്റ് സെക്രട്ടറി ശ്രീകുമാർ വാസു സ്വാഗതവും സംഘാടക സമിതി കൺവീനർ സുരേഷ് ലാൽ നന്ദിയും പറഞ്ഞു.
