ജിദ്ദ: ദീർഘകാല പ്രവാസിയും മഞ്ചേരി കാവനൂർ ഇരിവേറ്റി സ്വദേശിയുമായ കൊടേക്കോടൻ അബൂബക്കർ (65) ജിദ്ദയിൽ അന്തരിച്ചു. ഹയ്യസഫയിൽ ജോലി ചെയ്തുവരികയായിരുന്ന അദ്ദേഹം ഹൃദയാഘാതത്തെ തുടർന്നാണ് മരണപ്പെട്ടത്. 28 വർഷമായി ജിദ്ദയിൽ പ്രവാസജീവിതം നയിച്ചുവരികയായിരുന്നു.
പരേതനായ മോയീനാണ് പിതാവ്. ഭാര്യ: മൈമൂന. മക്കൾ: മുബഷിറ, തബ്ഷീറ, ഷഹന ഷെറിൻ, മുഹമ്മദ് ശഹൽ. സഹോദരി: ഫാത്തിമ. മരുമക്കൾ: റാഷിദ്, അബ്‌ദുൽ ഗഫൂർ, ജംഷീദ്.
നിലവിൽ ജിദാനി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം, നിയമപരമായ ജനാസ നടപടികൾ പൂർത്തിയാക്കിയ ശേഷം ജിദ്ദയിൽ തന്നെ മറവ് ചെയ്യുമെന്ന് ബന്ധുക്കൾ അറിയിച്ചു. തഹ്ലീൽ, മയ്യത്ത് പരിപാലന നടപടികൾക്കായി ജിദ്ദ കെ.എം.സി.സി വെൽഫയർ വിങ് പ്രവർത്തകർ രംഗത്തുണ്ട്.
