മലപ്പുറം: മലപ്പുറം വേങ്ങരയിൽ ഭർത്താവിൻ്റെ വീട്ടിൽ ജലീസ (31) എന്ന യുവതിയെ മരിച്ച നിലയിൽ കണ്ടെത്തി. ചേറൂർ മിനി കാപ്പ് സ്വദേശി നിസാറിൻ്റെ ഭാര്യയാണ് മരിച്ച ജലീസ. കാരാത്തോട് അപ്പക്കാട് സ്വദേശികളായ ആലി – സുലൈഖ ദമ്പതികളുടെ മകളാണ്.
വീടിനോട് ചേർന്നുള്ള ഷെഡിലാണ് യുവതിയെ ആത്മഹത്യ ചെയ്ത നിലയിൽ കണ്ടെത്തിയത്. സംഭവത്തെ തുടർന്ന് പോലീസ് സ്ഥലത്തെത്തി പരിശോധനകൾ നടത്തി. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റിയ ശേഷം ബന്ധുക്കൾക്ക് വിട്ടുനൽകും. സംഭവത്തിൽ വേങ്ങര പോലീസ് അന്വേഷണം ആരംഭിച്ചു.
