ന്യൂഡൽഹി: കേന്ദ്ര വാർത്താ വിതരണ പ്രക്ഷേപണ മന്ത്രാലയ സഹമന്ത്രി എൽ. മുരുകൻ കേന്ദ്രമന്ത്രിസ്ഥാനം രാജിവെച്ചു. തമിഴ്‌നാട് രാഷ്ട്രീയം കേന്ദ്രീകരിച്ച് സജീവമായി പ്രവർത്തിക്കാനുള്ള തീരുമാനത്തെ തുടർന്നാണ് രാജിയെന്ന് അദ്ദേഹം ഔദ്യോഗികമായി വ്യക്തമാക്കി. നിലവിൽ മധ്യപ്രദേശിൽ നിന്നുള്ള രാജ്യസഭാംഗമാണ് അദ്ദേഹം.
തമിഴ്‌നാട്ടിൽ താഴെത്തട്ടിലിറങ്ങി പാർട്ടി സംഘടനയെ ശാക്തീകരിക്കാനും, വരാനിരിക്കുന്ന 2029-ലെ ലോക്‌സഭാ തിരഞ്ഞെടുപ്പിന് മുന്നോടിയായി സംസ്ഥാനത്ത് ബി.ജെ.പിയുടെ അടിത്തറ ശക്തമാക്കുന്നതിനായി മുഴുവൻ സമയവും നീക്കിവെക്കാനുമാണ് കേന്ദ്രമന്ത്രി പദവികൾ രാജിവെക്കുന്നതെന്ന് അദ്ദേഹം പറഞ്ഞു. രാജിക്കത്ത് പ്രധാനമന്ത്രിക്ക് കൈമാറിയിട്ടുണ്ട്.
