തൃശൂർ: ഡി.വൈ.എഫ്.ഐ സംസ്ഥാന പ്രസിഡന്റായി ചിന്ത ജെറോമിനെയും സംസ്ഥാന സെക്രട്ടറിയായി എം. വിജിൻ എം.എൽ.എയേയും തെരഞ്ഞെടുത്തു. തൃശൂരിൽ വെച്ച് നടന്ന 16-ാമത് ഡി.വൈ.എഫ്.ഐ സംസ്ഥാന സമ്മേളനത്തിലാണ് പുതിയ ഭാരവാഹികളുടെ പ്രഖ്യാപനം ഉണ്ടായത്. ഡി.വൈ.എഫ്.ഐ അഖിലേന്ത്യാ പ്രസിഡന്റ് എ.എ. റഹീമാണ് പുതിയ ഭാരവാഹികളെ ഔദ്യോഗികമായി പ്രഖ്യാപിച്ചത്. ആലപ്പുഴയിൽ നിന്നുള്ള രാഹുൽ ആണ് സംഘടനയുടെ പുതിയ സംസ്ഥാന ട്രഷറർ.
ഡി.വൈ.എഫ്.ഐയുടെ ചരിത്രത്തിൽ ആദ്യമായാണ് ഒരു വനിത സംസ്ഥാന പ്രസിഡന്റ് പദവിയിലേക്ക് എത്തുന്നത് എന്ന പ്രത്യേകതയും ഈ തെരഞ്ഞെടുപ്പിനുണ്ട്. ആർ. ശ്യാമ, വി. അനൂപ്, മുഹമ്മദ് അഫ്സൽ എന്നിവരെ സംസ്ഥാന വൈസ് പ്രസിഡന്റുമാരായും, ഗ്രീഷ്മ അജയഘോഷ് ഉൾപ്പെടെയുള്ളവരെ ജോയിന്റ് സെക്രട്ടറിമാരായും സമ്മേളനത്തിൽ തെരഞ്ഞെടുത്തു.
