ശ്രീനഗർ: ജമ്മു കശ്മീരിലുണ്ടായ ഭീകരാക്രമണത്തിൽ രണ്ട് സി.ആർ.പി.എഫ് (CRPF) ജവാന്മാർക്ക് പരിക്കേറ്റു. സുരക്ഷാ ഉദ്യോഗസ്ഥരെ ലക്ഷ്യമിട്ട് ഭീകരർ നടത്തിയ പെട്ടെന്നുള്ള ആക്രമണത്തിലാണ് ജവാന്മാർക്ക് പരിക്കേറ്റത്.
സംഭവത്തെ തുടർന്ന് പ്രദേശം പൂർണ്ണമായും സുരക്ഷാ സേനയുടെ വലയത്തിലാക്കിയിട്ടുണ്ട്. പരിക്കേറ്റ ജവാന്മാരെ ഉടൻ തന്നെ അടുത്തുള്ള ആശുപത്രിയിലേക്ക് മാറ്റി. ഭീകരർക്കായി പ്രദേശത്ത് വ്യാപകമായ തെരച്ചിലും പരിശോധനയും പുരോഗമിക്കുകയാണെന്ന് അധികൃതർ അറിയിച്ചു.
