റിയാദ്: നിയോം ഗിഗാ സിറ്റി പ്രൊജക്ടില് ഒന്നര ലക്ഷം തൊഴിലാളികളുടെ സേവനം ലഭിക്കുന്നുണ്ടെന്ന് സി ഇ ഒ നദ്മി അല് നസ്ര് പറഞ്ഞു.ചൊവ്വാഴ്ച റിയാദിലെ കിംഗ് അബ്ദുല്ല ഫിനാന്ഷ്യല് ഡിസ്ട്രിക്റ്റില് നടന്ന ഗ്രേറ്റ് ഫ്യൂച്ചേഴ്സ് സംരംഭ കോണ്ഫറന്സില് സംസാരിക്കുകയായിരുന്നു അദ്ധേഹം. 2025 ഓടെ പ്രോജക്ട് തൊഴിലാളികളുടെ എണ്ണം 200,000 ആയി ഉയരും നിയോമിന് നൂറിലധികം രാജ്യങ്ങളില് നിന്നുള്ള അയ്യായിരം മുഴു സമയ ജീവനക്കാരുണ്ടെന്നും അദ്ധേഹം പറഞ്ഞു.
വിഷന് 2030-ന്റെ ലക്ഷ്യങ്ങള് സാക്ഷാത്കരിക്കുന്നതില് രാജ്യത്തിലെ പ്രധാന പദ്ധതികളെക്കുറിച്ചും അവയുടെ പങ്കിനെക്കുറിച്ചുമുള്ള ഒരു സെഷനിലായിരുന്നു അല്-നസ്റിന്റെ പ്രസംഗം. ഖിദ്ദിയ, ദിരിയ, ചെങ്കടല്, നിയോം പ്രോജക്ടുകളുടെ തലവന്മാര് സെഷനില് സംസാരിച്ചു. പ്രാദേശികവും അന്തര്ദേശീയവുമായ പങ്കാളികള്ക്ക് നിയോം മികച്ച ബിസിനസ്സ് അവസരങ്ങള് വാഗ്ദാനം ചെയ്യുന്നുവെന്ന് അല്-നസ്ര് പറഞ്ഞു.
