ന്യൂഡൽഹി: ശബരിമല ക്ഷേത്രത്തിലെ സ്വർണ്ണം കാണാതായതുമായി ബന്ധപ്പെട്ട കേസിൽ സമഗ്രമായ അന്വേഷണം ആവശ്യപ്പെട്ട് യു.ഡി.എഫ്. എം പിമാർ പാർലമെന്റിൽ പ്രതിഷേധത്തിനൊരുങ്ങുന്നു. വിഷയം കൂടുതൽ ഗൗരവകരമായി എടുത്ത് ഒരു കേന്ദ്ര അന്വേഷണ ഏജൻസിയെക്കൊണ്ട് അന്വേഷിപ്പിക്കണമെന്നാണ് യുഡിഎഫിന്റെ പ്രധാന ആവശ്യം.
ശബരിമലയിലെ സ്വർണ്ണക്കൊടിമരത്തിൽ പൂശിയ സ്വർണ്ണം കാണാതായതുമായി ബന്ധപ്പെട്ട ക്രമക്കേടുകൾ. നാളെ പാർലമെന്റിന്റെ ഇരുസഭകളിലും വിഷയം ഉന്നയിക്കാനും പ്രതിഷേധിക്കാനുമാണ് യുഡിഎഫ് എംപിമാരുടെ തീരുമാനം.
കേസിൽ സംസ്ഥാന തലത്തിലുള്ള അന്വേഷണം തൃപ്തികരമല്ലെന്നും, ഇതിന് പിന്നിൽ വൻ ക്രമക്കേടുകൾ നടന്നിട്ടുണ്ടെന്നും യുഡിഎഫ് ആരോപിക്കുന്നു. കേസിന്റെ സത്യസന്ധമായ വിവരങ്ങൾ പുറത്തുവരാൻ കേന്ദ്ര ഏജൻസിയുടെ അന്വേഷണം അനിവാര്യമാണെന്ന് എം.പി.മാർ ആവശ്യപ്പെടും.
ദേവസ്വം ബോർഡിന്റെ ഭാഗത്തുനിന്നുള്ള വീഴ്ചയും അഴിമതിയും ഈ വിഷയത്തിൽ ഉണ്ടായതായും ഇത് വിശ്വാസികളെ വഞ്ചിക്കുന്നതിന് തുല്യമാണെന്നും യുഡിഎഫ് നേതാക്കൾ ചൂണ്ടിക്കാട്ടി. ശബരിമലയിലെ സ്വത്ത് സംരക്ഷിക്കപ്പെടേണ്ടതിന്റെ പ്രാധാന്യം ഊന്നിപ്പറഞ്ഞുകൊണ്ട്, കേന്ദ്ര സർക്കാരിന്റെ ഇടപെടൽ തേടുകയാണ് ഈ പാർലമെന്റ് പ്രതിഷേധത്തിലൂടെ യുഡിഎഫ് ലക്ഷ്യമിടുന്നത്.
