ജിദ്ദ: സൗദി അറേബ്യയിൽ ഗാർഹിക തൊഴിലാളി വിസയിലുള്ളവരുടെ (ഹൗസ് ഡ്രൈവർമാർ അടക്കം) ‘ഹുറൂബ്’ (ഒളിച്ചോടിയതായി രേഖപ്പെടുത്തിയത്) നീക്കം ചെയ്യാനുള്ള സമയപരിധി ആറു മാസത്തേക്ക് കൂടി ദീര്ഘിപ്പിച്ചു. സൗദി മാനവശേഷി സാമൂഹിക വികസന മന്ത്രാലയമാണ് ഈ പ്രഖ്യാപനം നടത്തിയത്.
ഹുറൂബ് നീക്കാനുള്ള നടപടികൾ പൂർത്തിയാക്കാനുള്ള സമയം ഇന്ന് അവസാനിക്കാ നിരിക്കെയാണ് ആറു മാസത്തേക്ക് കൂടി അവസരം നീട്ടിയത്. 2025 മെയ് 11-ന് മുമ്പ് ഹുറൂബായവർക്കാണ് ഈ ആനുകൂല്യം ലഭിക്കുക.
ഹുറൂബ് നീക്കുന്നതിനായി പുതിയ സ്പോൺസർ ‘മുസാനദ്’ (Musaned) പ്ലാറ്റ്ഫോം വഴി തൊഴിലാളിയെ സ്വീകരിക്കുന്നതിനുള്ള അപേക്ഷ മന്ത്രാലയത്തിലേക്ക് അയക്കണം. തുടർന്ന് തൊഴിലാളി സ്വന്തം ‘മുസാനദ്’ അക്കൗണ്ടിൽ കയറി അപ്രൂവൽ നൽകുന്നതോടെ പുതിയ സ്പോൺസർക്ക് ‘അബ്ഷിർ’ വഴി ബാക്കി നടപടികൾ പൂർത്തിയാക്കാവുന്നതാണ്.
